Nurlan Nyǵmatýlın BUU ókilin qabyldady
Júzdesý barysynda Qazaqstannyń atalǵan uıymmen jáne onyń ınstıtýttarymen yntymaqtastyqtyń ózekti máselelerin talqylady.
Ótken jyly bizdiń elimizdiń bedeldi halyqaralyq uıymǵa qosylǵanyna 25 jyl bolsa, bıyl Qazaqstanda BUU ókildiginiń ashylǵanyna 25 jyl tolyp otyr. N.Nyǵmatýlınniń aıtýynsha, Qazaqstan osy ýaqyttar ishinde halyqaralyq qaýymdastyqqa tabysty enýmen qatar, onyń belsendi qatysýshylarynyń birine aınaldy. Májilis Tóraǵasynyń pikirinshe, Qazaqstan Prezıdenti óziniń mańyzdy halyqaralyq bastamalaryn Birikken Ulttar Uıymynyń minberinde kótergen bolatyn. Qazaqstan ıadrolyq synaqtarǵa jan-jaqty tyıym salý shartyn ázirleý men qabyldaýǵa belsene aralasyp, Ortalyq Azııada ıadrolyq qarýdan azat aımaq qurý bastamashylarynyń biri boldy.
Osy rette Májilis Tóraǵasy Qazaqstannyń BUU Qaýipsizdik Keńesiniń músheligine saılanýy bizdiń elimiz ben Elbasynyń beıbitshilik pen Qaýipsizdik jolyndaǵy eren erlikteriniń búkil álem aldynda moıyndalýy ekenin jáne onyń el tarıhynda altyn áriptermen jazylatyn aıtýly oqıǵa bolatynyn atap ótti.
Osy oraıda, Shımomýra myrza jetken jetistikterdi eskere kelip, Qazaqstannyń BUU múshe bolýy zańdy dep esepteıtinin jetkizdi. Sebebi, bizdiń elimiz dúnıejúziniń jáne halyqaralyq qaýymdastyqtyń aldynda ıadrosyz álemniń qorǵaýshysyna aınaldy. Qazaqstan zamanaýı memleketke jetý baǵytynda zor tabystarǵa jetti. Mártebeli meıman bul Qazaqstan Prezıdentiniń salıqaly saıasatynyń, kóregen basshylyǵynyń, eren erlikteriniń jemisi ekenin aıryqsha atap ótti.
Palata Spıkeri Elbasynyń sapaly ómirdi qamtamasyz etý tapsyrmalaryn júıeli túrde qamtamasyz etýmen úndesetin BUU turaqty damý maqsattarynyń bizdiń elimiz úshin mańyzdy ekenin atap ótti.
Taraptar kezdesýinde Qazaqstan men BUU arasyndaǵy barlyq áriptestik suraqtardy ekijaqty qarym-qatynas, sonyń ishinde parlamenttik deńgeıde tıimdi júzege asyrý joldary jan-jaqty aıtyldy.
