Nurlan Nyǵmatýlın Belarýs elshisin qabyldady

ASTANA. QazAqparat - Búgin Májilis tóraǵasy Nurlan Nyǵmatýlın Belarýs Respýblıkasynyń Qazaqstandaǵy Tótenshe jáne Ókiletti elshisi Anatolıı Nıchkasovty dıplomatııalyq mıssııasynyń aıaqtalýyna baılanysty qabyldady, dep habarlaıdy QazAqparat Májilistiń baspasóz qyzmetine silteme jasap.

Májilis tóraǵasynyń aıtýynsha, shırek ǵasyr ishinde elderimiz arasynda qarqyndy saıası únqatysý men tereń ekonomıkalyq baılanystar ornap, ózara is-qımyl jan-jaqty ónimdi damyp keledi.

N.Nyǵmatýlın atap ótkendeı, bul eki el Prezıdentteri Nursultan Nazarbaev pen Aleksandar Lýkashenkonyń ózara túsinistik pen dostyq nıetke negizdelgen birlesken tıimdi eńbeginiń nátıjesi.

Májilis tóraǵasy Belarýs memleketi Qazaqstannyń mańyzdy strategııalyq áriptesi ekenin alǵa tarta kelip, Anatolıı Nıchkasovtyń  eki el arasyndaǵy is-qımyldy damytýǵa aıryqsha úles qosqandyǵyna toqtaldy. Búginde ózara yqpaldastyq jáne parlamentaralyq áriptestik jyl saıyn jańa bıikterdi baǵyndyryp keledi.

Ótken bes jyl ishinde, ekijaqty baılanysty tereńdetý jolynda barlyq deńgeıde belsendi jumystar atqarylǵanyn aıta kelip, Palata spıkeri eleýli eńbegi úshin elshige alǵys bildirdi.

Óz kezeginde Anatolıı Nıchkasov bizdiń elde eńbek etken jyldar qyzmet jolyndaǵy eń jemisti kezeńniń biri bolǵanyn atap ótti.