Nurlan Nyǵmatýlın Bakýde TúrkPA-nyń jańa ofısiniń ashylýyna qatysty
ASTANA. QazAqparat - Búgin Májilis spıkeri Nurlan Nyǵmatýlın TúrkPA-nyń jańa ákimshilik keńsesiniń ashylý saltanatyna qatysty, dep habarlaıdy «QazAqparat» QR Parlamenti Májilisine silteme jasap.
Onda Májilis tóraǵasy sóz alyp, Ázerbaıjan Respýblıkasynyń Prezıdenti Ilham Álıevke Baký qalasynyń tórinen boı kótergen biregeı ǵımarat úshin TúrkPA-nyń Іs basyndaǵy tóraǵasy retinde uıym músheleri atynan shynaıy alǵys sezimin bildirdi.
Májilis Spıkeriniń aıtýynsha, osy mańyzdy oqıǵa TúrkPA-elderiniń táýelsizdik alǵanyna 25 jyl tolǵan óte mańyzdy kezeńde ótip otyr. Sonymen birge 1920 jyly Shyǵys halyqtarynyń tuńǵysh sezi jáne bıyl 90 jyldyǵyn atap ótken tuńǵysh túrkologııalyq sez osy qalada ótkenin eske alǵan Nyǵmatýlın tarıhı oqıǵalar toǵysqan Bakýde baýyrlas elderdiń bas shtab-páteriniń ornalasýy aıryqsha mańyzdy ekenin atap ótti.
«Biz Ázerbaıjanda TúrkPA hatshylyǵynyń jańa ofısin ashtyq. Ol Elbasymyz Nursultan Ábishuly Nazarbaev negizin qalaǵan TúrkPA-nyń jańa beleske shyǵýynyń naqty kórsetkishi. Bul Prezıdentimizdiń osy uıymdy qurý jónindegi ıdeıasynyń mańyzdylyǵyn taǵy da kórsetti. Sondyqtan, aldaǵy ýaqytta TúrkPA elderi, sonyń ishinde, zań shyǵarýshy organdar arasyndaǵy áriptestik burynǵydan da tereńdeı túsetin bolady»,-dedi.
Bıylǵy basqosýdyń taǵy bir ereksheligi TúrkPA-nyń sheshimimen Qazaqstan, Qyrǵyzstan, Ázerbaıjan jáne Túrkııa elderiniń Prezıdentteri «Eńbegi úshin» medalimen marapattaldy.
