Nurlan Nyǵmatýlın: Aýyr qylmystar úshin jazany kúsheıtý azamattardyń qaýipsizdigin qamtamasyz etedi
Aıta keteıik, búgin jalpy otyrysta palata depýtattary «Qazaqstan Respýblıkasynyń keıbir zańnamalyq aktilerine qylmystyq jáne qylmystyq-protsestik zańnamany jetildirý máseleleri boıynsha ózgerister men tolyqtyrýlar engizý týraly» zań jobasyn talqylap, birinshi oqylymda maquldady.
«Búgin birinshi oqylymda maquldanǵan mańyzdy zań jobasy eń aldymen Memleket basshysy Qasym-Jomart Toqaevtyń Joldaýda Úkimetke jáne Parlamentke bergen tapsyrmalaryn oryndaýdy qamtamasyz etetin bolady. Jobada esirtki taratý, adam saýdasy jáne jeke tulǵaǵa qarsy basqa da aýyr qylmystar úshin jazany qataıtý qarastyrylǵan. Alǵash ret mal urlyǵyna qatysty qylmystyq norma engizildi. Búgin jalpy otyrysta aıtylǵan aýyr qylmystardyń barlyq túrleri úshin jazany qataıtý erejeleri azamattardyń quqyǵy men qaýipsizdigin zań jaǵynan qorǵaýǵa múmkindik beredi dep senemiz», - dedi Nurlan Nyǵmatýlın.Aıta keteıik, urlyqqa qatysty áreketter aýyr qylmystar sanatyna kóshetini málim boldy.
Bul turǵyda mal urlyǵyna erekshe nazar aýdarylyp otyr.
Sonymen qatar, ınspektordy jáne qoryqshynyń ómirine qaýip tóndirip, kúsh qoldanǵany úshin jaýapkershilik engizý qarastyrylǵan. Osyndaı qylmystar úshin jıyrma jylǵa deıin bas bostandyǵynan aıyrylmaq.
Zań jobasynda pedofılderdi ómir boıy bas bostandyǵynan aıyrý eskerilgen.
Ákimshilik quqyq buzýshylyq kodeksine mas kúıinde kólik aıdaǵany úshin 30 táýlikke deıin ákimshilik qamaý merzimi uzartylyp, júrgizý quqyǵynan aıyrý merzimi segiz jylǵa ulǵaıady.
«Ekinshi oqylymǵa deıin aýqymdy jumystardy atqarý qajetti bar. Osy oraıda Memleket basshysynyń tapsyrmalaryn tolyqtaı júzege asyrý nazarǵa alynady», - dedi Májilis tóraǵasy.