Nurlan Noǵaev Jańaózen turǵyndaryn máseleni syndarly dıalog arqyly sheshýge shaqyrdy
Nurlan Noǵaev jınalǵandarǵa Memleket basshysy Qasym-Jomart Toqaevtyń tapsyrmasy boıynsha Jańaózen qalasyndaǵy jaǵdaıǵa qatysty Úkimet qabyldaǵan sharalardy túsindirdi.
Qazirgi tańda QR Premer-Mınıstri A. Mamınniń ókimimen Mańǵystaý oblysyndaǵy áleýmettik-ekonomıkalyq jaǵdaıdy qarastyrý úshin Úkimettik komıssııa quryldy.
Úkimet suıytylǵan munaı gazynyń baǵasyn retteý boıynsha birqatar sharalardy iske asyrady. Óńir basshysy oblystaǵy AJQS ıeleri bıznestiń áleýmettik jaýapkershiligi aıasynda bastamashylyq tártippen gaz qunyn lıtrine 120 teńgeden 85-90 teńgege deıin tómendetý týraly sheshim qabyldaǵanyn jetkizdi.
Baǵa dálizderin belgileý arqyly baǵanyń uzaq merzimdi turaqtylyǵyn qamtamasyz etý jáne gaz baǵasynyń alypsatarlyq kóterilýine jol bermeýdiń júıeli sharalary júzege asyrylatyn bolady.
Aıta keteıik, básekelestikti qorǵaý jáne damytý agenttigi AJQS ıelerine qatysty baǵalyq sóz baılasý boıynsha tergeýdi bastady.
Oblys ákimi jınalǵandardy máseleni zań aıasynda, syndarly dıalog arqyly sheshýge shaqyrdy.