Nurlan Noǵaev: Turǵyndarmen baılanys onlaın rejımde júrgiziledi
Ákimdikterdiń turǵyndarmen keri baılanysynyń utymdy tásilderiniń biri áleýmettik jeliler bolyp tabylady, munda árbir azamat ózin qyzyqtyratyn suraqtaryn qoıa alady. Sonymen birge oblys ákiminiń turǵyndardy jeke qabyldaýy kezindegi qarym -qatynasy kóptegen máselerdi sheshýge yqpal etedi.
«Jergilikti atqarýshy organdar turǵyndarmen keri baılanys mehanızmderin jolǵa qoıý baǵytynda aýqymdy jumystar atqarýda. Eger jeke qabyldaýlar týraly aıtatyn bolsaq, 2017 jyly óńir turǵyndarymen 40-tan asa jeke qabyldaý ótkizdim», - dedi Nurlan Noǵaev.
«Oblys ákimine 400-den astam adam ártúrli suraqtar men usynystar bildirdim. Sonymen qatar memlekettik organdardyń turǵyndarmen ózara qarym-qatynas mehanızmin jaqsartý baǵytynda jumys jasap jatyrmyz. Oblys ákimdigi Telegram qosymshasynda chat-arna ashyp, munda barlyq deńgeıdegi ákimder, basqarmalar men kommýnaldyq mekemelerdiń basshylary turǵyndardyń suraqtaryna tikeleı jaýap beredi. Qazirgi tańda chat-arnada 3100 paıdalanýshy bar, 1500 suraq qaraldy»,-dedi ákim.
Ol sondaı-aq oblys ortalyǵynda osyndaı prıntsıppen jumys jasaıtyn «Atyraý Tsıfrlyq Qabyldaý» mobıldi qosymshasy qoldanylatynyn da aıtyp ótti. Munda 3162 paıdalanýshy tirkelgen, búgingi kúnge 600-den astam suraq qaraldy.
«Endi mańyzdy suraqpen habarlasqan árbir paıdalanýshy barlyq qajetti aqparatty ala alady. Jergilikti atqarýshy organdar turǵyndardyń barlyq saýaldaryna jedel ári sapaly jaýap berý úshin keri baılanystyń jańa mehanızmderin engizý boıynsha turaqty jumystar júrgizýde. «Tsıfrly Qazaqstan» memlekettik baǵdarlamasyn iske asyrý aıasynda onlaın quraldarǵa erekshe basymdyq berýdemiz»,- dep naqtylap ótti Nurlan Noǵaev.