Nurlan Noǵaev: TKSh salasyndaǵy jumys aqaýsyz bolýy kerek

Jumys saparynda oblys ákimi Jylyoı aýdanyndaǵy nysandarmen tanysty.

2017 jyly aýdanda 7367 shaǵyn jáne orta bıznes sýbektisi tirkeldi, olar 16843 adamdy jumys ornymen qamtyp otyr.

2017-2018 oqý jylynda 1-4 synyptarda oqıtyn 8735 oqýshy jáne az qamtylǵan otbasylardyń 900 balasy tegin ystyq tamaqpen qamtamasyz etildi.

 

Aýdanda aýyl sharýashylyǵy baǵytyndaǵy bir JShS, 240 sharýa qojalyǵy bar.

Іri saýda núktelerinde 19 áleýmettik mańyzdy azyq-túliktiń baǵasyna monıtorıng únemi júrgizilip otyrady.

Aımaq basshysy jedel baqylaý ortalyǵynyń qurylysyn aralap kórdi. 2017 jyldyń maýsymynda qurylysy bastalǵan nysan 2018 jyly paıdalanýǵa beriledi. Ol Qulsary qalasyndaǵy krımınogendik ahýaldyń jaqsarýyna oń yqpal etedi.

 

Sonymen qatar Jylyoı aýdanyna jumys saparynda oblys ákimi 2017-2018 jylǵy jylytý maýsymyna jáne turǵyn úı kommýnaldyq sharýashylyq máselesine qatysty jınalys ótkizdi.

Oblystyq energetıka jáne TKSh basqarmasynyń basshysy Jumabaı Qaraǵaev baıandaǵandaı, oblysta 396 bilim berý nysany, 158 densaýlyq saqtaý, 281 áleýmettik jáne 1064 kóppáterli turǵyn úı, qýaty saǵatyna 100 Gkal 1183 jylý qazandyǵy, 519,7 km jylý jelisi, 3223,1 km sýmen jabdyqtaý jelisi,436,5 káriz jelisi jylytý maýsymyna daıyndalǵan.

Nurlan Noǵaev turǵyn úı kommýnaldyq sharýashylyǵy salasynda baqylaýdy kúsheıtý kerektigin aıtty.

 

-Turǵyn úı kommýnaldyq sharýashylyq salasyndaǵy jumys júıeli jáne eshqandaı aqaýsyz bolýy tıis,-dedi aımaq basshysy. -Osy jylytý maýsymy aıaqtalǵannan keıin kelesi jylǵa daıyndyqty bastaý kerek. Jylytý maýsymy talapqa saı bolýy tıis, osyny barlyq jaýapty adamdarǵa eskertemin.

Oblys ákimi sapar barysynda «Nur Otan» partııasynyń aýdandyq fılıalynda azamattardy qabyldap, Jylyoı aýdany ákimi Álımuhammed Quttymuratulynyń jyldyq esep berý jıynyna qatysty.


   

Jumys sapary barysynda Nurlan Noǵaev aımaqtyń áleýmettik-ekonomıkalyq damýyna qatysty naqty tapsyrmalar berdi.