Nurlan Noǵaev reseılik áriptesimen kezdesti

NUR-SULTAN. QazAqparat - 2020 jyldyń 12 aqpanynda Qazaqstan Respýblıkasynyń Energetıka mınıstri Nurlan Noǵaev Máskeýge resmı jumys sapary barysynda Reseı Federatsııasynyń Energetıka mınıstri Aleksandr Novakpen kezdesti, dep habarlaıdy QazAqparat.

Kezdesý barysynda taraptar otyn-energetıka salasyndaǵy ekijaqty áriptestik máseleleri boıynsha pikir almasyp, Eýrazııalyq ekonomıkalyq odaq sheńberindegi ózara is-qımyldy talqylady.

Sonymen qatar QR Energetıka mınıstri N.Noǵaev «Sıla Sıbırı – 2» gaz qubyryn keıinnen Qytaı Halyq Respýblıkasynyń «Batys – Shyǵys» gaz qubyry júıesine qosylatyndaı etip, ony Qazaqstan aýmaǵy arqyly ótkizý múmkindigin qarastyrýdy usyndy.

Aleksandr Novak Reseı men Qazaqstan arasyndaǵy energetıkalyq ózara árekettestiktiń syndarly sıpatyn, sonymen qatar, munaı men gazdy tasymaldaý salasy boıynsha eki el arasyndaǵy ózara tıimdi seriktestikti atap ótti.