Nurlan Noǵaev munaı kompanııasyna jumysqa ornalasý qalaı júzege asatynyn atady
AQTAÝ. KAZINFORM - Jańaózen qalasynyń ákimin taǵaıyndaýdan keıin jumyssyz azamattarmen kezdesken Mańǵystaý oblysynyń basshysy Nurlan Noǵaev kópshiliktiń saýalyna jaýap berdi.
Kezdesýde Jańaózen turǵyndary munaı-gaz salasyna jumysqa ornalasýǵa baılanysty suraqtar qoıdy. Oblys ákimi jumyspen qamtý máseleleri qoldanystaǵy zańnamada belgilengen tártippen sheshiletinin atady.
«Munaı-gaz salasyna jumysqa ornalasý máseleleri ashyqtyq pen ádildik qaǵıdattaryna negizdele otyryp sheshiletin bolady. Aımaqtaǵy halyq sany jyl ótken saıyn artyp keledi, al jańa kásiporyndardyń ashylýy ýaqytty qajet etedi. Aımaqta jańa jumys oryndary qurylýda, aldaǵy ýaqytta da qurylady. Alaıda kezekten tys jumysqa ornalasý múmkin emes. Ásirese munaı nemese servıstik kompanııalarǵa. Bul kezekte turǵan basqa azamattarǵa ádiletsiz bolady. Sondaı-aq, halyqty jumyspen qamtýdy qamtamasyz etý jáne kásipkerlikti qoldaýdyń memlekettik baǵdarlamalary sheńberinde, jergilikti atqarýshy organdar usynatyn basqa da jumysqa ornalasý múmkindikterin qarastyrý qajet», - dedi Nurlan Noǵaev.
Buǵan deıin Nurlan Noǵaev Jańaózen turǵyndarymen kezdesýde munaıdan basqa saladan da jumys qaraý kerektigin ataǵan bolatyn.
