Nurlan Noǵaev munaı-gaz jobalaryndaǵy qazaqstandyq qamtýǵa alańdaýshylyq bildirdi

NUR-SULTAN. QazAqparat – Búgin, 5 tamyzda online rejıminde Qarashyǵanaq ken ornyn keńeıtý jobasynda jergilikti qamtýdy damytý boıynsha forým ótti, dep habarlaıdy QazAqparat QR Energetıka mınıstrliginiń baspasóz qyzmetine silteme jasap.

Forýmǵa QR Energetıka mınıstri Nurlan Noǵaev, BQO ákimi Ǵalı Esqalıev, QPO bas dırektory b.v. Djankarlo Rýıý, bıznes, salalyq qaýymdastyqtar jáne t.b. ókilderi qatysty.

Energetıka mınıstri óz sózinde, búgingi tańda Qazaqstanda úsh jetekshi munaı-gaz jobasynda jergilikti qamtýdy damytý boıynsha jemisti jáne maqsatty jumys júrgizilip jatqanyn atap ótti. Nurlan Noǵaev QPO gaz boıynsha óndiristik shekteýlerdi alyp tastaý jónindegi jobany sátti aıaqtaǵanyn, sondaı-aq gazdy keri aıdaýdyń tórtinshi kompressoryn salý boıynsha joba aıaqtalý satysynda ekenin aıtty.

- Memlekettiń negizgi talaby – jer qoınaýyn utymdy paıdalaný jáne qorshaǵan ortaǵa eń az áser etetin paıdaly qazbalardy óndirýdi qamtamasyz etý. Bul mindetti Úkimet aldyna Elbasy men Qazaqstan Prezıdenti qoıyp otyr, - dep atap ótti Nurlan Noǵaev.

Alaıda, júrgizilip jatqan jumysqa qaramastan vedomstvo basshysy iri operatorlardan munaı-gaz jabdyqtary men qosalqy bólshekterdi satyp alý kezinde taýarlardaǵy qazaqstandyq qamtýdyń tómen kórsetkishterine alańdaýshylyǵyn bildirdi. 2011 jyly Qarashyǵanaq jobasyndaǵy taýarlardyń, jumystar men kórsetiletin qyzmetterdiń satyp alýyndaǵy jergilikti qamtýdyń úlesi shamamen 38%-

dy qurady, 2020 jyldyń sońyna qaraı kórsetkishter 59%-ǵa deıin ulǵaıdy. Bul rette taýarlardy satyp alý úshin 2021 jylǵy operatsııalyq málimetter boıynsha qazaqstandyq qamtýdyń úlesi nebary 10,08%-dy quraıdy.

- Bul tapsyrys berýshilerdiń jergilikti tutynýshylardyń barlyq múmkindikterin tolyq

paıdalanbaýyna baılanysty. Bul rette, búginde qazaqstandyq kásiporyndardyń kópshiligi munaı-gaz salasynda jumys isteıtin jer qoınaýyn paıdalanýshylar qoıǵan talaptarǵa tolyǵymen saı keledi, - dedi Nurlan Noǵaev.

- Biz barlyǵymyz osy máseleni sheshý úshin jumys isteýimiz kerek - jergilikti qamtý úlesin arttyrý, sondaı-aq sala qyzmetkerleriniń jalaqysynyń barabar deńgeıin belgileý - bul el basshylyǵy men úkimetiniń tapsyrmasy.

Aǵymdaǵy jyly Energetıka mınıstrliginiń bastamasy boıynsha Qazaqstanda munaı-gaz mashınasyn jasaýdy damytýdyń halyqaralyq ortalyǵy ashyldy. Ol QR aýmaǵynda munaı-gaz jabdyǵyn óndirý úshin eleýli qoldaý bolady.

- Ortalyq jergilikti qamtýdy arttyrý boıynsha jumysqa jańa oń serpin beredi. Bul bizdiń mınıstrliktiń jumysyndaǵy strategııalyq baǵyttar men basym mindetterdiń biri, ol únemi baqylaýda, - dep qorytyndylady mınıstr.