Nurlan Noǵaev memlekettik qyzmetshilerge dáris oqydy
«Atyraý oblysynyń áleýmettik-ekonomıkalyq damýy» taqyrybyndaǵy ákimniń dárisine Qazaqstan Respýblıkasy Prezıdenti janyndaǵy memlekettik basqarý akademııasynyń Atyraý oblysy boıynsha fılıalynda qaıta daıarlaý kýrsynda oqyp jatyrǵan jas memlekettik qyzmetishlerge qatysty. Olardyń ishinde 27-i jergilikti atqarýshy organdardyń memlekettik qyzmetshileri, 15-i respýblıkalyq bıýdjetten qarjylandyrylatyn bólimderdiń qyzmetkerleri qatynasty.
Sharada aımaq basshysy jas mamandarǵa oblystaǵy jetistikter men 2017-2018 jyldardaǵy kóp ónimniń óndirilgeni týraly aıtty. Sonymen qatar, dáris barysynda Nurlan Noǵaev óziniń tájirıbesimen bólisti. Aımaq basshysy jıynǵa qatysyp otyrǵan jastarǵa memlekettik qyzmettiń aýyr jumys bolsa da, jaýapty qyzmet ekenin jetik túsindirdi.
«Elbasymyz aıtqandaı, memlekettik qyzmetker bolý bul halyq pen basshylyqtyń tarapynan bizge bildirgen úlken senim. Ár azamattyń quqyǵy men mindetterin júzege asyrýdy uıymdastyrý árbir memlekettik organdar men memlekettik qyzmetkerlerdiń tikeleı mindetti. Memlekettik qyzmetshi joǵary jaýapkershilik pen kásibı bilimdi, adaldyq pen ómirlik ustanymda belsendi, adamgershilik sııaqty qasıetterge ıe bolýy kerek. Ol óz eliniń patrıoty bolý qajet. Óz bilimin únemi jetildirip otyryp, únemi izdeniste bolýy kerek. Memleket basshysynyń jarııalaǵan bul qaǵıdalary memlekettik organdarda jumys isteýge bel baılaýǵa sheshim qabyldaǵandar úshin anyq nusqaýlyq bolýy kerek»,-deıdi oblys ákimi Nurlan Noǵaev.
Qazaqstan Respýblıkasy Prezıdenti janyndaǵy memlekettik basqarý akademııasynyń Atyraý oblysy boıynsha fılıaly basshysy Sáýle Kýbashevanyń aıtýynsha, oblysta memlekettik qyzmet týraly Zańdy júzege asyrý boıynsha belsendi jumystar júrgizilýde.
Jas kadrlar daıyndaý men qaıta daıarlaý Memlekettik qyzmet akademııasynyń, sondaı-aq Atyraý oblysynyń ákimdiginiń basty mindeti.
«Oblys ákimi bizdiń bastamamyzdy qoldap, jas memlekettik qyzmetkerlerge dáris oqyǵanyńyzǵa qýanyshtymyz. Árbir jańadan kelgen maman úshin jaqsy úlgi bolýǵa, jumys jolynyń basynda kúshti tálimgerge ıe bolýy kerek. Oblys ákimi memlekettik qyzmette óziniń jolyn qalyptastyrý tájirıbesimen bólisip turǵany bizdi qýantady. Bizder óz jumysymyzda tikeleı paıdalanylatyn óte qundy jáne paıdaly aqparat alǵanymyzǵa senimdimiz», - deıdi Sáýle Kýbasheva.
Aıta keteıik, QR Úkimetiniń 2018 jylǵy 15 mamyrdaǵy №125 qaýlysyna sáıkes, memlekettik ákimshilik qyzmetine alǵash kelgen memlekttik qyzmetshiler qaıta daıarlyqtan ótý mindetti ekenin aıtqan bolatyn. Búgingi kúni óńirimizde 42 jańa memlekettik qyzmetkerler biliktiligin arttyrý maqsatynda oqýda.
