Nurlan Noǵaev mańǵystaýlyqtarǵa úndeý joldady
«Ardaqty mańǵystaýlyqtar! Búgin túnde Qazaqstan Respýblıkasynyń Prezıdenti Qasym-Jomart Kemeluly Toqaevtyń Jarlyǵymen Mańǵystaý oblysy jáne Almaty qalasynda tótenshe jaǵdaı jarııalandy. Búgin tańerteń elimizdiń Prezıdenti Qasym-Jomart Kemeluly Úkimet pen memlekettik organdardyń basshylarymen jınalys ótkizdi. Jınalys barysynda qalyptasqan jaǵdaıdy qysqa ýaqytta eki jaqqa da tıimdi bolatyn jaǵdaıda sheshý jóninde naqty tapsyrmalar berildi», - dedi ol vıdeo úndeýde.
Oblys basshysy óz erkimen qaıtqandarǵa zań aıasynda eshqandaı shara qoldanylmaıtynyn atap ótti.
«Qazirgi tańda bilmestikpen nemese ár túrli sebeptermen osyndaı sharalarǵa qatysyp júrgen azamattardan óz erkilerimen arandaýshylyqqa ermeı, úılerine qaıtýlary suralady. Eger óz erkilerimen qazir qaıtatyn bolsa, qoldanystaǵy zańnyń aıasynda eshqandaı sharalar qoldanylmaıdy. Óz tarapymyzdan is-áreketterdiń barlyǵy qoldanystaǵy zańnyń aıasynda qatań baqylaýda bola otyryp, júzege asyrý kerek ekenin qaperińizge beremin», - dedi Nurlan Noǵaev.
Sondaı-aq aımaq basshysy birinshi kezekte azamattardyń densaýlyǵy men ómirine qaýip tóndirmeý máselelerine den qoıyltanyn aıtty.
«Biz óz tarapymyzdan qalyptasqan jaǵdaıdy tezirek sheshýge jáne Memleket basshysynyń bergen tapsyrmalarynyń aıasynda turaqtylyqty qamtamasyz etýge, azamattardyń densaýlyǵy men ómirine qaýip tóndirmeý máselelerine den qoıamyz. Prezıdenttiń tapsyrmasyna sáıkes, azamattyq jáne áskerı obektilerde qorǵaý máselelerin uıymdastyrý jáne sol obektilerge qandaı bir qastandyq nemese jumysyn isteýge kedergi keletin máselelerdi boldyrmaý jóninde tapsyrmalar berildi.
Ardaqty aǵaıyn, birigip osy máseleni shesheıik. Amandyqta bolaıyq», - dedi oblys ákimi mańǵystaýlyqtarǵa.
Eske salsaq, QR Prezıdenti Qasym-Jomart Toqaev Almaty oblysynda tótenshe jaǵdaıdy engizý týraly Jarlyqqa qol qoıdy. Buǵan deıin Almaty qalasy men Mańǵystaý oblysynda tótenshe jaǵdaı engizildi.