Nurlan Noǵaev Mańǵystaýda teńiz sýyn tuşylandyrý tehnologııasymen tanysty

MAŃǴYSTAÝ OBLYSY. QazAqparat - Mańǵystaý oblysyna jumys sapary aıasynda QR Energetıka mınıstri Nurlan Noǵaev «MAEK-Qazatomónerkásip» JShS-da boldy, dep habarlaıdy QazAqparat atalǵan mınıstrliktiń baspasóz qyzmetine silteme jasap.

Mınıstr ónerkásiptik tutynýshylarǵa elektr jáne jylý energııasyn óndirýge jáne dıstıllıat daıyndaýǵa arnalǵan 10 týrbınalyq agregat pen 13 qazandyq ornatylǵan 2-shi Jylý elektr ortalyǵynyń (2-JEO) jumysymen tanysty.

Іssapar barysyndaǵy Nurlan Noǵaev dıstıllıat óndirý zaýytynda bolyp, onda teńiz sýyn tuşylandyrý tehnologııasy jáne keshenniń tıimdiligin arttyrý josparlarymen tanysty.

Mınıstrge 1999 jyldan bastap bólshekteý jáne kómý aldynda 50 jyl boıy konservatsııalaý jáne ustaý rejıminde turǵan BN-350 jyldam neıtrondy ónerkásiptik reaktoryn paıdalanýdan shyǵarý jónindegi jumys týraly baıandaldy. Aqtaý qalasynda suıyq metall jylý tasymaldaǵyshy bar BN-350 jyldam neıtrondy ónerkásiptik reaktory 1972 jylǵy 29 qarashada fızıkalyq iske qosylyp, bir jyldan keıin Mańǵystaý energııa júıesine qosylǵan bolatyn. BN-350 reaktorlyq qondyrǵysy shırek ǵasyr jumys istedi.

Sapar qorytyndysy boıynsha Nurlan Noǵaev jaýapty tulǵalarǵa birqatar naqty tapsyrmalar berdi.