Nurlan Noǵaev mádenıet salasy qyzmetkerlerin tól merekesimen quttyqtady
ASTANA. QazAqparat - Atyraý oblysynyń ákimi Nurlan Noǵaev mádenıet jáne óner qyzmetkerlerin búgingi tól merekesimen quttyqtady, dep habarlaıdy óńir basshysynyń baspasóz qyzmeti.
Atyraý qalasynda ótken saltanatty sharada oblys ákimi mádenıet salasy qyzmetkerleriniń qoǵamdaǵy rólin erekshe baǵalaıtynyn aıtty.
- Eger adamnyń tánin dárigerler emdeıtin bolsa, janyna sizder dárýsizder. Adamnyń ishki tuǵyrynyń bıik bolýyna, ómirde kezdesetin ótpeli qıyndyqtarǵa tótep bere alatyn mádenıetti azamat bolyp qalyptasýyna sizderdiń eńbekterińiz zor, - dedi aımaq basshysy
Shara kezinde mádenıet jáne óner salasynda eńbek sińirgen ardagerlerge qurmet kórsetilip, salada qyzmet etip júrgen mamandar alǵys hattarǵa ıe boldy.
