Nurlan Noǵaev Latvııa elshiliginiń ókilderimen kezdesti
ATYRAÝ. QazAqparat - Іskerlik kezdesý barysynda latvııalyqtar Atyraý oblysynda óz jobalaryn júzege asyrýǵa nıetti ekenderin málimdedi, dep habarlaıdy QazAqparat óńirlik kommýnıkatsııalar qyzmetine silteme jasap.
Qazaqstan Respýblıkasy táýelsizdik alǵan kúnnen bastap eki eldiń saýda-ekonomıkalyq yntymaqtastyǵy túrli salalarda damyp keledi jáne eki el arasynda dostyq qarym-qatynas ornaǵan. Oblys ákimi Nurlan Noǵaev osy maqsatta kez-kelgen jobaǵa oblystyq ákimdik tarapynan qoldaý kórsetiletinin aıtty.
«Óńirimiz qarqyndy damyp kele jatqan oblystardyń biri. Oblysta munaı-gaz salasymen qatar, aýyl sharýashylyǵy, óndiristik ónerkásip te damý ústinde.
Elbasy Nursultan Nazarbaev ta el ekonomıkasyn damytyp, saıasatty ártaraptandyrý tapsyrmasyn alǵa qoıady. Biz osy tapsyrmany oryndaý baǵytynda ınvestorlarǵa, kásipkerlerge barlyq jaǵdaıdy jasaımyz», - dedi óńir basshysy Nurlan Asqaruly.
Latvııa Respýblıkasynyń Qazaqstan Respýblıkasyndaǵy Tótenshe jáne Ókiletti Elshisi ıÝrııc Pogrebnıaks óz kezeginde jobalarǵa toqtalyp ótti.
«Atyraý oblysymen seriktestik ornatý barysynda óz jobalarymyzdy usynǵymyz keledi. Oblysta tsıfrlandyrý men jasyl tehnologııany damytyp, jergilikti kásipkerlermen tyǵyz qarym-qatynasta bolýǵa nıettimiz», - dedi Latvııa elshisi. 
Aıta keteıik, kedendik statıstıkaǵa sáıkes, 2018 jyldyń qańtar-tamyz aılarynda Atyraý oblysynyń Latvııa Respýblıkasymen taýar aınalymy 58,96 myń AQSh dollardy qurady.
Búginde Latvııadan Atyraý oblysyna farmatsevtıkalyq ónimder, hımııa ónerkásibiniń ónimderi men preparattary, propılen men plastmassadan jasalǵan taýarlardy tasymaldaýǵa nemese oraýǵa arnalǵan ónimder, konteınerler tasymaldanady. Al, Atyraý oblysynan Latvııaǵa bastapqy propılen men olefınderdiń polımerleri eksporttaldy.
