Nurlan Noǵaev: Qazaqstan álem tanyǵan memleketke aınaldy
«Egemen Qazaqstannyń negizin salýdyń jáne nyǵaıtýdyń tarıhı mıssııasy Elbasyna tıesili. Qazaqstan Táýelsizdiginiń negizin qalaýshy, elimizdiń tuńǵysh Prezıdenti Nursultan Nazarbaevtyń jan-jaqty saralanǵan syrtqy saıasatynyń arqasynda elimiz damýdyń órkendeý jolynan ótip keledi. Táýelsizdik alǵannan beri Qazaqstannyń qol jetkizgen jetistikteri ulan-ǵaıyr. Eýropalyq qaýipsizdik jáne yntamaqtastyq uıymyna tóreaǵalyq etýimiz, Shanhaı yntamaqtastyq uıymynyń otyrystary, EXPO - 2017 kórmesin ótkizýmiz jáne t.b bedeldi bas qosýlar. Árıne, Táýelsiz elimizdiń sımvolyna halqymyzdyń maqtanyshyna aınalǵan Astana. Eń bastysy ekonomıkamyz turaqty damyp, halyqtyń ál-aýqaty artyp keledi. Biregeı jobalar negizinde halyq qoldaǵan Elbasynyń tyń ıdeıalary, batyl qadamdaryn aıta ketken jón. Búginde Qazaqstan ózindik kelbetimen álemdik qaýymdastyqta erekshelenetin el. Tuńǵysh Prezıdent Qazaqstandy álem tanyǵan memleketke aınaldyrdy. Elimizdi damytýǵa birlese úles qosaıyq»,- deıdi oblys ákimi Nurlan Noǵaev.
Shara barysynda Tuńǵysh Prezıdent kúnine, sondaı-aq Astananyń 20 jyldyǵyna oraı Atyraý oblysynyń saıası-áleýmettik, mádenı damýyna eńbegi sińgen qyzmetkerler «Qurmet» medalimen marapattaldy.
Saltanatty shara qazaqstandyq estrada juldyzdary men jergilikti óner ıeleriniń kontserttik baǵdarlamasyna ulasty.
