Nurlan Noǵaev: Bıyl jol qurylysyna basymdyq beremiz
ATYRAÝ. QazAqparat - 2017 jyly Atyraý oblysynda 402 kóshege asfalt tóseledi. Jol jabynynyń jalpy uzyndyǵy 333 shaqyrymdy quraıdy.
Mundaı tsıfrlar búgin Atyraý oblysy qoǵamdyq keńesiniń otyrysynda aıtyldy, dep habarlaıdy «QazAqparat» HAA tilshisi.
«Bıyl biz jol qurylysyna basa nazar aýdaryp otyrmyz, buryn bolmaǵan kólemderdi aldyq. 2016 jyly óńirde jalpy uzyndyǵy 167,5 shaqyrym bolatyn 227 kóshe asfalttandy. 2017 jyly oblystyń 402 kóshesindegi 333 shaqyrym jolǵa asfalt tóseledi.
Odan bólek, 2017 jyly shuńqyrlardy jóndeýge jol jabynynyń 60,7 myń sharshy metri bekitiledi. Bizdiń mindetimiz - moınymyzǵa alǵan barlyq tapsyrmany oryndaý. Bizdiń maqsatymyz - qalalyq kúre joldyń jaǵdaıyn jaqsartyp, batpaq arasynda jatqan qala mańyndaǵy aýyldyq okrýgterge jańa ómir syılaý», - dedi Nurlan Noǵaev.
Oblys ákimi jınalǵandardyń nazaryn qurylys qarqynyn jyldamdatý qajettiligine aýdara kele, bul bul úshin bar jaǵdaı jasalǵanyn atap ótti. «Atyraý oblysy ákimdigi men «Qazaqstan temir joly» AQ arasyndaǵy ýaǵdalastyq boıynsha, jol qurylysyna qajetti ınentti materıaldar jetkizetin vagondar sany edáýir ósti.
