Nurlan Noǵaev aýdan ákimine qatań sógis jarııalady
ATYRAÝ. QazAqparat - Atyraýda órtke qarsy qaýipsizdik máselesi qozǵalǵan selektorlyq jınalys barysynda óńir basshysy Nurlan Noǵaev Qyzylqoǵa aýdanynyń ákimi Maqsot Muqanovqa qatań sógis jarııalady, dep habarlaıdy "QazAqparat" HAA tilshisi.
«2017 jyly Atyraý oblysynda 57 708 gektar jer órtengen, sonyń kóp bóligi - 44 myń gektary - Qyzylqoǵa aýdanynda. Órttiń sebebi aýdandyq ákimdikterdiń órt qaýpi bar kezeńge daıyndyqsyz bolýy, eriktilerdi órtti sóndirý tehnıkasyna úıretý boıynsha jumystar júrgizilmegen, sondaı-aq 24 aýyldyq okrýgte órt sóndirý beketteri joq», - dep habarlady jınalysta TJ departamentiniń basshysy Saǵynbek Ómirzaqov.
Óńir basshysy árbir ákimdiktiń órke qarsy qaýipsizdikti uıymdastyrýǵa jeke jaýap beretinin atap ótti.
«Oblysta profılaktıkalyq jumystar júrgizý úshin, qajetti tehnıka satyp alý úshin qarjy bar - usynys jasańyzdar, jaǵdaıdyń qıyndaǵanyn kútpeńizder. Bolǵan jaǵdaı barlyq memlekettik organdardyń kelisimge kelmegendiginiń saldarynan oryn aldy», - dedi N.Noǵaev.
Jınalys sońynda Atyraý oblysy Qyzylqoǵa aýdanynyń ákimi qatań sógis aldy.
