Nurlan Noǵaev atyraýlyq jýrnalısterdi marapattady
ATYRAÝ. QazAqparat - Atyraý oblysynyń ákimi Nurlan Noǵaev aımaqtyń úzdik jýrnalısterin marapattady, dep habarlaıdy QazAqparat.
Marapattaý rásimi 28 maýsym - Baılanys jáne aqparat qyzmetkerleri kúnine oraı uıymdastyrylǵan saltanatty keshte ótti.
Sharaǵa oblys jýrnalısteri men sala ardagerleri qatysty.
Aqparat jáne kommýnıkatsııalar mınıstrliginiń «Aqparat salasynyń úzdigi» tósbelgisin respýblıkalyq «Munaıly Astana» gazetiniń bas redaktory - Smadııar Quttygereı men «Qazteleradıo» Aktsıonerlik qoǵamy Atyraý oblystyq fılıalynyń bas energetıgi Shýkatırov Haırosh aldy.
Sonymen qatar, birqatar jýrnalıster oblys ákiminiń Alǵys hatyna, Aqparat jáne kommýnıkatsııalar mınıstrliginiń Qurmet gramotasyna, baılanys jáne aqparat salasyndaǵy joǵary biliktiligi men kásibı sheberligi úshin Taýman Amandosov atyndaǵy júldege, oblystyń máslıhattyń, Ortalyq kommýnıkatsııalar qyzmetiniń Alǵys hattaryna ıe boldy.
Aımaq basshysy Nurlan Noǵaev jýrnalısterdiń bılik pen halyqtyń arasyndaǵy baılanysty nyǵaıtý jolynda atqaryp júrgen eńbegin erekshe baǵalap, tól merekelerimen quttyqtady.
