Nurlan Noǵaev Atyraýda aýanyń lastaný sebebin anyqtaýdy tapsyrdy
ATYRAÝ. QazAqparat - Atyraý oblysynyń ákimi Nurlan Noǵaev Atyraýda aýanyń lastaný sebebin anyqtaýdy tapsyrdy, dep habarlaıdy QazAqparat tilshisi.
«Bul býlanýdan emes, munaı ónimderiniń ısi ekendigi anyq. Qoldaryńyzda aýany baqylaıtyn búkil qural-jabdyq bar. Bul qashanǵa deıin jalǵasady. Tynys alý qıyn ǵoı. Turǵyndardyń bári shaǵymdanady. Mamandardy jiberińizder, synamalardy alyńyzdar da, qorytyndysyn shyǵaryńyzdar», - dedi Nurlan Noǵaev oblys ákimdiginde «Qazgıdromet» RMK Atyraý fılıaly jáne tabıǵı resýrstar men tabıǵatty paıdalanýdy retteý basqarmasy basshylarynyń qatysýymen ótken jınalysta.
Jergilikti bılik ekologtardan jáne basqa da monıtorıng qyzmetterinen osy bir túıtkildi máseleni sheshýdi birazdan beri talap etip otyr. Sońǵy alynǵan derekter, qala aýmaǵyndaǵy aýa quramyndaǵy kúkirtti sýtektiń mólsheri normadan kóp ekenin kórsetken.
