Nurlan Noǵaev Atyraý oblysynyń energııa júıesi nysandaryn aralady

NUR-SULTAN. QazAqparat - QR Energetıka mınıstri Nurlan Noǵaev Atyraý oblysyna jumys sapary barysynda óńirlik energııa júıesiniń nysandaryn aralady, dep habarlaıdy QazAqparat.

Mınıstrlik baspasóz qyzmetiniń málimetinshe, Atyraý jylý-elektr ortalyǵynda Nurlan Noǵaevqa kásiporynnyń elektr qýatyn keńeıtý barysy tanystyryldy. Investıtsııalyq joba 2007 jyly iske asyryla bastady jáne birneshe kezeńderden ótti. Bul Joba tek qana Atyraý oblysy emes, jalpy Qazaqstan úshin mańyzdy. Sebebi ol búkil eldiń energııa qaýipsizdigin qamtamasyz etý úshin jumys isteıdi.

Qosymsha týrboagregattardy, qazandardy ornatý, bý júktemesin ulǵaıtý óndiriletin elektr qýatyn 215 MVt-tan 474 MVt-qa deıin jetkizýge múmkindik berdi. Bul kásiporyn qýatyn ulǵaıtýǵa baǵyttalǵan barlyq júrgizilgen jumystar emes. Qýaty 60 MVt bolatyn taǵy eki týrboagregat ornatý josparlanyp otyr.

Mınıstrdiń atap ótýinshe,, jańa stansalar Atyraý oblysy ekonomıkasynyń energetıkalyq qýatyn arttyrýǵa múmkindik beredi. Bul ásirese energııaǵa tapshy óńir úshin mańyzdy sanalady.

Energetıka mınıstri tanysqan kelesi nysan «SagatEnergy» JShS boldy. Belgilengen qýaty 10 MVt bolatyn elektr stansasy búgingi kúni Kaspıı qubyr jelisi konsortsıýmynyń qajettilikterin qamtamasyz etedi. Qazirgi ýaqytta kásiporynda qosymsha belgilengen qýaty 30MVt-ty quraıtyn elektr stansasy keńeıtý boıynsha jumystar júrgizilýde.

Jumys istep turǵan gaz elektr stansasy 2016 jyly qalpyna keltirildi. Mamandardyń aıtýynsha, KEGOC kishi stansasyna jaqyn ornalasqan ıkemdi júkteme múmkindigi bar jańa gazporshendi stansa búkil Batys energııa toraby jumysynyń turaqtylyǵy men senimdiligin jaqsartýǵa múmkindik beredi.