Nurlan Noǵaev áleýmettik problemalardy sheshý joldaryn aıtty

Atyraý oblysy Qoǵamdyq keńesiniń tóraǵasy Murat Óteshevtiń aıtýynsha, jyl saıyn oblysta adamdardyń joǵalýy jóninde 60-qa jýyq oqıǵa tirkeledi.​ ​

«Ótken jyly Atyraýda jáne Jylyoı, Qurmanǵazy, Inder aýdandaryna adamdardyń joǵalýy tirkelgen. Sondaı-aq, jasóspirimderdiń problemasy tolǵandyrady. Úıden ketip qalýdyń negizgi sebebi - otbasylyq problemalar. Balanyń suranysyn eskermeý -​ kóbinese úıden ketip qalýǵa sebep bolady. Bul ata-anamen ózara túsinistik bolmaýynan týyndaıdy,-deıdi Murat Óteshev.

​Komıssııa músheleri jas býyndy tárbıeleý, qıyn jaǵdaıǵa ushyraǵan otbasylaryna psıhologııalyq kómek kórsetý, turmystaǵy zorlyq-zombylyq sııaqty problemalardy, áıelderdi qorǵaý jáne otbasy ıeleriniń balalarynyń bolashaǵy úshin jaýapkershiligi máselelerin talqylady. Búgingi kúni Atyraýdaǵy qarııalar úıinde 104 qart adam turyp jatyr. Kópshiliginiń otbasylary bar.

Atyraý oblysynyń ákimi Nurlan Noǵaev bul áleýmettik problemany birlesip sheshý qajettigin atap ótti.

«Eń bastysy, adamdardyń, qoǵamnyń sanasyna osy problemalardy jetkizý kerek. Bul - bizdiń dástúrimizde joq, qoǵamymyzda eshqashan bolmaǵan nárse. Bul sizderdi ósirip, baryn syılaǵan ata-analaryńyz. Sondyqtan, olarǵa aldymen sizder jaýapty bolasyzdar»,- dedi Nurlan Noǵaev.​ ​ ​ ​ ​ ​ ​ ​ ​ ​ ​ ​

Oblys basshysy jumyspen qamtýdy úılestirý jáne áleýmetti baǵdarlamalar basqarmasynyń basshysy Serik Hamıdollaǵa ashyq esik kúnderin ótkizýdi, osyndaı adamdardyń balalary men týysqandaryn shaqyryp, túsinik jumystaryn júrgizýdi tapsyrdy. Qarııalar úıinde turyp jatqandardyń keıbireýiniń balalary tabysty ómir súrýde, olardyń atyna jyljymaıyn múlikter de tirkelgen. Biraq, aınalyp kelgende, memleketten basqa qamqorshysy bolmaı otyr.​ ​ ​ ​ ​ ​ ​ ​ ​ ​

«Sońǵy jyldary oblys ákimdiginiń qarjylyq qoldaýynyń arqasynda polıtsııanyń materıaldyq-tehnıkalyq bazasy jaqsardy. Sonyń ishinde, beınekameralardyń ornatylýy azamattardyń qaýipsizdigi máselesin sheshýge múmkindik beredi. Búgingi kúnge quqyq buzýshylarǵa 1,5 mlrd teńge aıyppul salyndy. Onyń ishinde, 1 mlrd 134 mln. teńge jergilikti bıýdjetke tústi. Quqyq qorǵaý organdary qyzmetin atqarýy úshin 34 polıtsııa beketiniń qurylysy josparlanǵan. Olardyń 22-i salyndy. Tutastaı alǵanda, barlyq polıtsııa ýchaskeleri qajetti jabdyqpen jaraqtalǵan. 98 avtokólik alyndy»,- dedi​A.Qaıyrov.​

Halyqtyń qaýipsizdigin qamtamasyz etý úshin quqyq qorǵaý organdaryn qarjylaı qoldaýdyń mańyzdylyǵyn oblys ákimi atap ótti.

«Bul jerde týyndaıtyn problema- kólikti júrgizý qaýipsizdigi. Jolaýshylardy kóp jınap alamyn dep júrgizýshiler jarysqa túsip jatady. Buny tasymaldaýshy kásiporyndardyń basshylary da, jol polıtsııasy qyzmetkerleri de qadaǵalaýy tıis», - dep atap ótti oblys ákimi.​ ​ ​ ​ ​ ​ ​ ​

Jolaýshylar kóliginde jyldamdyqtan asyp ketý trekerlerin ornatý jóninde óńir basshysy ókiletti organdarǵa tapsyrma berdi.