Nurlan Noǵaev: Áleýmettik nysandardy salǵan kezde qurylys mádenıetin saqtaý kerek
ASTANA. QazAqparat - 24 qańtarda Atyraý oblysynyń ákimi Nurlan Noǵaev Qyzylqoǵa aýdanyna jumys saparymen baryp, salynyp jatqan áleýmettik nysandardy aralady, dep habarlaıdy óńirlik kommýnıkatsııalar qyzmeti.
Sapar barysynda Atyraý oblysynyń ákimi Muqyr aýylyndaǵy 400 oryndyq mədenıet úıiniń qurylysymen, sporttyq-saýyqtyrý kesheniniń jumysymen, 290 oryndyq balabaqsha, 400 oryndyq orta mektep pen Saǵyz aýylyndaǵy mýzykalyq mekteptiń qurylysymen tanysty.
2012 jyly paıdalanýǵa berilip, búginde kúrdeli jóndeýdi qajet etip turǵan dene shynyqtyrý-saýyqtyrý kesheniniń jaǵdaıyna syn aıtqan aımaq basshysy nysannyń jaǵdaıyna jáne buqaralyq sportty damytýǵa qatysty jaýapty adamdarǵa tapsyrmalar berdi.
Saǵyz aýylyndaǵy balabaqsha men mektep qurylysyn aralaǵan Nurlan Noǵaev atalǵan nysandardyń paıdalanýǵa berilý merziminiń keshiktirilip otyrǵanyna nazar aýdardy. Balabaqsha 2017 jyldyń qyrkúıek aıynda, mektep 2017 jyldyń jeltoqsanynda tapsyrylýy tıis bolatyn. Alaıda, qurylys kompanııasynyń bul merzim keshiktirilýde.
«Merdigerlerdiń jaýapsyzdyǵynan óńirge asa qajetti áleýmettik nysandar paıdalanýǵa keshiktirilip beriledi,-dedi jaýapty adamdarǵa Nurlan Noǵaev. -Bolashaqta mundaı keleńsizdikke jol bermeımiz, qatań shara qoldanamyz. Eger merdiger belgilengen merzimdi buzsa, aıyppul men ótemaqy tólep, nysan basqa qurylysshyǵa beriledi. Bul adamdardy júktelgen mindettemelerine jaýapkershilikpen qaraýǵa, qurylys mádenıetin saqtaýǵa úıretedi».
