Nurlan Noǵaev áleýmettik mekeme basshylaryna halyqqa jaqyn bolýdy tapsyrdy

ATYRAÝ. QazAqparat - Aımaq basshysy Nurlan Noǵaev halyqpen keri baılanys ornatý boıynsha jańa kezeńdi júzege asyrý kerektigin aıtty, dep habarlaıdy QazAqparat tilshisi.

​Jylyoı aýdanynda Atyraý oblysynyń ákimi Nurlan Noǵaevtyń tóraǵalyǵymen májilis ótip, áleýmettik salany damytý máseleleri talqylandy.

Jıyn barysynda Atyraý oblysynyń ákimi áleýmettik mekemelerdiń basshylarynyń turǵyndarmen keri baılanysy durys ornatylmaǵanyna alańdaýshylyq bildirdi.

​«Azamattardy jeke suraqtarymen qabyldaǵan kezde olar mektep, balabaqsha dırektorlarynyń jumysyna, medıtsınalyq mekemelerdiń qyzmetine shaǵymdanyp jatady. Turǵyndar óz máselesin basshylarmen tikeleı sheshe almaıdy. Bulaı bolmaýy kerek»,-dedi Atyraý oblysynyń ákimi.

Nurlan Noǵaevtyń aıtýynsha, qazir barlyq memlekettik organdardyń basshylary, barlyq deńgeıdegi ákimder brıfıngterge qatysady, telearnalarda sóıleıdi, aqpan aıynan bastap áleýmettik jelilerde tikeleı efır arqyly halyqqa esep beredi. Soǵan qaramastan turǵyndarmen - ata-analarmen, oqýshylarmen, sportshylarmen, syrqat patsıenttermen, zeınetkerler, múgedektermen tyǵyz baılanysta jumys isteıtin barlyq vedomstvolyq baǵynyshty uıymdar óz betterinshe qyzmet atqarady.

«Memleket basshysynyń halyqpen keri baılanys mehanızmin jolǵa qoıý týraly tapsyrmasy bary barshańyzǵa belgili. Osyǵan baılanysty men oblystaǵy bıýdjet qarajaty esebinen jumys isteıtin barlyq áleýmettik mekemelerdiń basshylaryna aıyna bir ret Ashyq esik kúnin ótkizýdi tapsyramyn»,-dedi oblys ákimi.

Aımaq basshysy Atyraý oblysyndaǵy barlyq áleýmettik mekemeler úshin biryńǵaı Ashyq esik kúnin ótkizý kontseptsııasyn daıyndaýdy tapsyrdy. Aıyna bir ret óńirdegi barlyq eldimekenderdegi áleýmettik mekemeler azamattarmen kezdesýleri kerek jáne bul dástúrge aınalýy tıis. Ol kezdesýge barlyq nıetti adam qatysýǵa quqyly.

Atyraý oblysy ákiminiń pikirinshe, Ashyq esik kúni aıasynda aımaq turǵyndary ózderin tolǵandyrǵan suraqtardy qoıýmen shektelmeı, keńester alady.

Mektep, balabaqsha, densaýlyq saqtaý, sport, mádenıet mekemeleriniń qyzmetine qatysty usynystaryn aıta alady, bul óz kezeginde áleýmettik mekemelerdiń alǵa qaraıǵy jumystaryna oń ózgerister ákeledi.

«Atyraý oblysynyń ár turǵyny aımaqtyń áleýmettik damýyna ózi qandaı úles qosa alatynyn bilýi tıis»,-dep qorytyndylady Nurlan Noǵaev.