Nurlan Noǵaev: 2025 jylǵa deıin 13 sý elektr stansasy salynady
NUR-SULTAN. QazAqparat – 2025 jylǵa deıin 13 sý elektr stansasy salynady. Bul týraly Úkimet otyrysynda QR Energetıka mınıstri Nurlan Noǵaev aıtty, dep habarlaıdy QazAqparat tilshisi.
«Manevrlik qýat tapshylyǵyn eskere otyryp, mınıstrlik elimizdiń ońtústik óńirinde generatsııanyń manevrlik rejımi bar generatsııalaıtyn qondyrǵylardy salý jónindegi 4 áleýetti jobany pysyqtady. Jalpy, ońtústik óńirde 2025 jylǵa deıin shamamen 1300 MVt gaz generatsııasyn iske qosý josparlanýda. 2025 jyldyń sońyna deıin belgilengen jıyntyq qýaty 178 MVt-qa jýyq 13 sý elektr stansasy nysanyn iske qosýdy josparlap otyrmyz», - dedi mınıstr.
Sonymen qatar ol bıyl manevrlik sý elektr stansasyn qosa alǵanda, jańartylatyn energııa kózderi boıynsha jıyntyq qýatqa aýktsıondyq saýda-sattyq ótkizý belgilengenin aıtty.
«Jalpy alǵanda, 2025 jyly JEK elektr energııasyn jalpy óndirý úlesin 6 paıyzǵa jetkizý kútilýde», - dedi Nurlan Noǵaev.
