Nurlan Nyǵmatýlınniń uly Nurjan Nurlanovqa qatysty tergeý júrip jatyr
ALMATY. KAZINFORM — Almaty polıtsııasy ózinshe bılik etý baby boıynsha tergeýdi bastaǵan.
Áleýmettik jelide «Báıterek» holdınginiń jáne «QazMunaıGaz-Aero» JShS-nyń burynǵy dırektory Nurjan Nurlanov ústinen qylmystyq is qozǵalǵany týraly aqparat tarady.
Іshki ister mınıstrliginiń baspasóz qyzmeti QR Qylmystyq kodeksiniń 389-baby boıynsha tergeý júrip jatqanyn rastady.
— Almaty qalasy Polıtsııa departamentiniń tergeý basqarmasynda QR QK 389-baby (ózinshe bılik etý) boıynsha sotqa deıingi tergeý júrip jatyr. Qazirgi ýaqytta istiń mán-jaılaryn jan-jaqty, tolyq jáne obektıvti zertteý úshin tergeý áreketteri júrgizilip jatyr, — delingen ІІM jaýabynda.
Aıta ketken jón, Nurjan Nurlanov - Qazaqstan Respýblıkasynyń Parlament Májilisiniń burynǵy tóraǵasy Nurlan Nyǵmatýlınniń uly.
Buǵan deıin Nurlan Nyǵmatýlınniń týǵan aǵasy Arǵyn Nyǵmatýlınge izdeý jarııalandy.
QR Sybaılas jemqorlyqqa qarsy is-qımyl agenttigi kúdikke ilingen Arǵyn Nyǵmatýlın Qazaqstannan tergeý bastalǵanǵa deıin ketkenin habarlady.