Nurlan Másimovtyń apellıatsııalyq shaǵymyn qaraý 23 qarashaǵa aýystyryldy

Pavlodar oblystyq sotynda óńirlik polıtsııa departamentindegi urlyq jáne sybaılas jemqorlyq týraly is boıynsha Nurlan Másimovke qatysty apellıatsııalyq shaǵymdy qaraý bastaldy, dep habarlaıdy Kazinform. 

«Appelıatsııalyq ınstantsııa sotynyń qaraýyndaǵy is 23 qarasha saǵat 10.00-ge keıinge qaldyryldy. Sottalýshylar onlaın túrde qatysady. Qalǵandary sot otyrysyna keledi», - dep jaýap berdi Pavlodar oblystyq sotynyń baspasóz qyzmeti agenttik saýalyna.

Eske sala ketsek, 2022 jyly 3 maýsymda Pavlodar oblystyq Polıtsııa departamentiniń burynǵy bastyǵy Nurlan Másimovke izdeý jarııalanǵan edi.

Keıin Sybaılas jemqorlyqqa qarsy is-qımyl agenttigi Nurlan Másimov týraly aqparat bergen adamǵa 12 mln teńgege deıin syıaqy baryn habarlady.

2022 jyly 13 shilde de Ultyq qaýipsizdik komıtetiniń ókilderi Nurlan Másimovti Reseımen shekarada ustady.

Al bıyl 10 tamyzda Pavlodar oblysy polıtsııa departamentiniń burynǵy bastyǵy Nurlan Másimov 10 jylǵa sottaǵan edi. Sottalýshylar M. jáne S., QK 366, 368,189-baptary boıynsha kinásin moıyndamady jáne aqtaýdy surady.