Nurlan Másimov týraly aqparat bergen adamǵa 12 mln teńgege deıin syıaqy bar
NUR-SULTAN. QazAqparat – Asa iri mólsherde para aldy degen kúdikpen izdeý jarııalanǵan Nurlan Másimov týraly aqparat bergen adamǵa 12 mln teńgege deıin syıaqy tabystalady, dep habarlaıdy QazAqparat Sybaılas jemqorlyqqa qarsy is-qımyl agenttigine silteme jasap.
«Eger Sizde onyń ornalasqan jeri týraly qandaı da bir aqparat bolsa, Agenttiktiń telefondary boıynsha habarlaýdy suraımyz:
call-tsentr 1424
+7 (7172) 909 260
+7 (727) 278 7300
+7 (707) 978 0808
Masımovtyń ornalasqan jeri týraly aqparat bergeni úshin 12 000 000 teńgege deıin syıaqy kózdelgen. Habarlamanyń qupııalyǵyna kepildik beriledi!» - delingen vedomstvonyń málimdemesinde.
Aıta keteıik, sot Pavlodar oblystyq polıtsııa departamentiniń burynǵy bastyǵy Nurlan Másimovke «kúzetpen ustaý» túrindegi bultartpaý sharasyn sanktsııalaǵan bolatyn. QR Sybaılas jemqorlyqqa qarsy is-qımyl agenttigi izdeý jarııalaǵany habarlanǵan.
