Nurlan Másimov Reseımen shekaradan jalǵan qujat arqyly ótpek bolǵan kezde ustaldy

NUR-SULTAN. QazAqparat - Nurlan Másimov Reseımen shekaradan jalǵan qujat arqyly ótpek bolǵan kezde ustaldy, dep habarlaıdy QazAqparat QR Sybaılas jemqorlyqqa qarsy is-qımyl agenttiniń baspasóz qyzmetine silteme jasap.

Baspasóz málimetterine qaraǵanda, bıylǵy 13 shildede jemqorlyqpen kúres qyzmeti shekara qyzmetimen birlesken jedel-izdestirý sharalarynyń nátıjesinde Shyǵys Qazaqstan oblysynyń aýmaǵynda Reseı Federatsııasymen memlekettik shekaradan jalǵan qujattar arqyly ótpek bolǵan Nurlan Myrzahanuly Másimovti ustady.

«Pavlodar oblysy polıtsııa departamentiniń eks-bastyǵy asa aýyr korrýptsııalyq qylmys jasaǵany úshin izdestirildi»,-delingen habarlamada.

Osyǵan deıin Pavlodar oblysy Polıtsııa departamentiniń basshysy Nurlan Másimov qyzmetinen bosatylǵany habarlandy.

Keıinirek oǵan izdeý jarııalanyp, ol týraly qandaı da bir aqparat bergen adamǵan 12 mln teńge syıaqy beriletini málim boldy.

Foto: irbistv.kz