Nurlan Qydyrbaev: Jemqorlar óz áreketteriniń nemen aıaqtalatynyn jete túsine bermeıdi
«Sońǵy 4-5 jylda kóptegen mınıstrler men basqa da laýazymdy tulǵalar kóp mólsherde aqsha jymqyrǵany úshin sottalyp jatyr. Keıingi kezde Aldyn alý departamenti ashylǵannan keıin aldyn ala túsindirý jumystarynyń nátıjesinde mundaı qylmys túri azaıǵan sııaqty. Degenmen úkimettiń qarajatyna qol salǵysy keletin ashkóz jemqorlar áli de jeterlik. Biz olar boıynsha jedel jumys júrgizip jatyrmyz jatyrmyz», - deıdi Sybaılas jemqorlyqqa qarsy is-qımyl agenttiginiń Nur-Sultan qalasy boıynsha departamenti basshysy Nurlan Qydyrbaev.
Onyń aıtýynsha, bes jyl burynǵy kezeńmen salystyrǵanda jemqorlar sany azaıǵan.
«Bıyl jemqorlyq boıynsha basqa oblys ákimderi, olardyń orynbasarlaryna qatysty qylmystyq is tirkelip jatyr. Prezıdent bizdi solarmen jumys isteýimiz úshin taǵaıyndady. Osy baǵyt boıynsha jumys isteýimiz kerek. Barlyq departament basshylary mektepterge baryp jumys júrgizdi. Ózim de úsh mektepke, ýnıversıtetterge baryp, túsindirý jumystaryn júrgizdim. Eger mektepten bastap osyndaı jumys júrgizetin bolsaq - qylmys azaıady. Kóbi Qylmystyq kodekstiń ne ekenin, qylmys jasaýdyń saldary ne bolatynyn bilmeıdi», - deıdi ol.