Nurlan ımam: Hıdjama — medıtsınalyq protsedýra emes

ASTANA. KAZINFORM — «Yryskeldi qajy» meshitiniń Bas ımamy Nurlan qajy Baıjigituly BIZDIÑ ORTA podkastinde jyn shyǵarý, hıdjama sııaqty joralǵylardyń densaýlyqqa zııandy bolýy múmkin ekenin eskertti.

— Qazir eldiń ishinde hıdjama degen dúnıe tarady. Bul medıtsınalyq protsedýraǵa jatpaıdy eken. Sol úshin bular kádimgideı jeke kásipker retinde, salyq tólep qana jumys istep jatyr. Biraq, keshirińiz, osyndaı protsedýralardan keıin kóz jumǵandar bar. «Jyn shyǵaramyz» dep qylqyndyryp óltirip qoıǵandar, óltirmese de soǵan jetkize jazdaǵan jaǵdaılar bar, — dedi ımam.

Sondaı-aq, ol dinı joralǵyny alaıaqtyqtan ajyratý ońaı emes ekenin aıtady.

— Sondyqtan munyń ara-jigin ashý kerek. Dinı ǵuryptardyń sharıǵat sáıkestigin dinı basqarma qarap, alaıaqtyq máselesin polıtsııa baqylaý kerek, — dedi Nurlan Baıjigituly.

Osydan buryn Nurlan qajy Baıjigituly qazaqstandyqtardy qashyqtan dem salǵyzýdan aýlaq bolýǵa shaqyrǵanyn jazǵan edik.