Nurlan Ibraev - shahmattan Qazaqstan chempıony
NUR-SULTAN. QazAqparat - Almatyda shahmattan erler arasyndaǵy Qazaqstan chempıonaty aıaqtaldy. Klassıkalyq oıynnyń 11 týrynan keıin el chempıony ataǵyna grossmeıster Nurlan Ibraev ıe boldy, dep habarlaıdy QazAqparat Qazaqstannyń shahmat federatsııasyna silteme jasap.
Elimizdiń myqty 12 shahmatshysy chempıon ataǵy men 2,5 mle teńge syılyq qory úshin baq synasty. Kúmis júlde - grossmeıster Petr Kostenkoǵa, qola - grossmeıster Anýar Ismaǵambetovke berildi.
«Qazaqstan quramasynyń múshelerimen jarysqa túskendikten, bul oıyn aıtarlyqtaı aýyr boldy. Shahmatshylardyń jas tolqyny da joǵary deńgeıde oınaıdy. Jeńip shyǵý ońaıǵa soqqan joq, degenmen tájirıbeniń septigi tıdi», - deıdi qyryq eki jastaǵy N.Ibraev.
Qazaqstan chempıony 600 myń teńge syılyqtan ózge 6-16 maýsym aralyǵynda Qytaıda ótetin Azııa chempıonatynda Qazaqstan atynan qatysý quqyǵyna ıe boldy. Sondaı-aq, Ózbekstanda ótetin týrnırge de joldama aldy.
Nurlan úshin bul respýblıkalyq birinshilikten alǵan ekinshi altyn. Birinshi júldesin shahmatshy 2005 jyly ótken chempıonatta ıelengen. Keıingi jyldary ol jattyqtyrý bolyp júr. Bıylǵy respýblıkalyq birinshilikke N. Ibraev qazaqstandyq shahmat federatsııasynyń atynan qatysty.
