Nurlan Ermekbaevtyń tóraǵalyǵymen UQShU komıtetiniń otyrysy ótti
ASTANA. QazAqparat - Qazaqstan Respýblıkasy Prezıdentiniń kómekshisi - Qaýipsizdik Keńesiniń hatshysy Nurlan Ermekbaevtyń tóraǵalyǵymen Ujymdyq qaýipsizdik týraly shart uıymynyń Qaýipsizdik keńesteri hatshylary komıtetiniń otyrysy ótti. Bul týraly QazAqparat Aqordanyń baspasóz qyzmetine silteme jasap habarlaıdy.
Іs-sharaǵa Armenııa, Belarýs, Qazaqstan, Qyrǵyzstan, Reseı, Tájikstan qaýipsizdik keńesteriniń hatshylary, sondaı-aq Uıymnyń Bas hatshysy ıÝrıı Hachatýrov qatysty.
Basqosýǵa qatysýshylar halyqaralyq ahýaldyń ózekti máseleleri boıynsha pikir almasyp, osy uıymǵa múshe memleketterdiń qaýipsizdigi úshin mańyzdy bolyp sanalatyn zamanaýı syn-tegeýrinder men qaterlerge qarsy is-qımyl jónindegi máselelerdi qarastyrdy.
Nurlan Ermekbaev otyrys barysynda UQShU-ǵa múshe elderde búgingi halyqaralyq ahýaldyń damý úrdisi týraly ortaq túsinistik bar ekenine nazar aýdaryp, qalyptasyp otyrǵan jaǵdaı týyndaǵan problemalarǵa qatysty jan-jaqty ári júıeli taldaý júrgizýdi jáne syn-tegeýrinderdiń aldyn-alý men qaterlerdi joıý úshin sheshimder qabyldaýdy talap etetinin aıtty.
Taraptar ultaralyq shıelenis oshaqtaryn retteýdiń yqtımal joldary týraly pikir almasty.
Jıyn qorytyndysy boıynsha UQShU-ǵa múshe elderdiń Qaýipsizdik keńesteri hatshylary komıtetiniń quzyretine jatatyn máseleler boıynsha quzyretti organdardyń yntymaqtastyǵyn nyǵaıtý jónindegi qujattarǵa qol qoıyldy.
Atap aıtqanda, halyqaralyq terrorızmge, zańsyz esirtki aınalymyna, zańsyz mıgratsııaǵa qarsy is-qımyl, sondaı-aq UQShU-nyń arnaıy maqsattaǵy Jedel áreket etýshi ujymdyq kúsh qurylymdarynyń jumysyn jetildirý jónindegi sharalar kózdelgen.
Buǵan deıin Memleket basshysy N.Á.Nazarbaev delegatsııalar basshylaryn qabyldap, Qazaqstannyń UQShU-ǵa qatysýyn ulttyq qaýipsizdikti qamtamasyz etetin mańyzdy tetikterdiń biri retinde qarastyratynyn atap ótken bolatyn.
Qazaqstan UQShU-ǵa tóraǵalyq etýine baılanysty bıylǵy ekinshi jartyjyldyqta Astanada memleketter basshylary deńgeıinde UQShU Ujymdyq qaýipsizdik keńesiniń otyrysyn ótkizý josparlanyp otyr.
