Nurlan Ermekbaev jumys saparymen Germanııaǵa bardy
Bıylǵy 18-20 shilde aralyǵynda «100 naqty qadam» Ult josparynda qamtylǵan 5 ınstıtýtsıonaldyq reformany iske asyrý aıasynda quqyq qorǵaý júıesin jańǵyrtý jónindegi vedomstvoaralyq jumys tobyn basqarǵan Qazaqstan Respýblıkasy Prezıdentiniń kómekshisi - Qaýipsizdik Keńesiniń hatshysy N.Ermekbaev Germanııa Federatıvtik Respýblıkasynda saparmen bardy.
Sapardyń negizgi maqsaty - quqyq qorǵaý organdaryna kadrlardy irikteý jáne daıarlaýdaǵy, sondaı-aq federaldy jáne jer polıtsııasynyń qyzmeti men ózara yqpaldastyǵyn uıymdastyrýdaǵy álemdik úzdik tájirıbelerdiń birden-birimen tanysý, qylmystyq jazalar júıesin zertteý.
Sapar barysynda Syrtqy ister mınıstrliginiń jáne Federaldyq ishki ister mınıstrliginiń, óńirlik polıtsııa organdary men jáne penıtentsıarlyq júıeniń, sondaı-aq polıtsııa akademııasynyń basshylyǵymen kezdesýler ótti.
Ótken is-sharalar nátıjeleri quqyq qorǵaý qyzmetiniń tıimdiligin jáne mártebesin, qyzmetkerlerdiń jalaqysyn jáne áleýmettik turǵydan qamtylýyn jaqsartý jóninde atqarylyp jatqan jumys barysynda eskeriletin bolady.
Sapar barysynda N.Ermekbaev Bremendegi «Raınmetal grýp» áskerı-ónerkásiptik kásiporynǵa baryp, jasalǵan ónimderdiń úlgilerimen tanysty.