Nurlan Ermekbaev: Memorgandarda destrýktıvti dinı aǵymdardyń ókilderi baıqalmady
«Destrýktıvti túrli dinı aǵymdardyń ókilderine toqtalatyn bolsaq, olar elimizde bar jáne osy adamdarmen tıisti túsindirý jumystary júrip jatyr. Bul olardyń jeke ózderiniń jańylysýy, sondaı-aq dindi durys túsinbeýdiń sıpaty. Alaıda osy adamdardyń memlekettik organdarda qyzmet etýi jaıynda bilmeımin. Meniń oıymsha, memorgandarda osyndaı adamdar joq»,-dedi mınıstr tilshiler saýalyna jaýap berý kezinde.
Májilistegi Úkimet saǵaty barysynda N. Ermekbaev Konstıtýtsııa men zańdar boıynsha barlyq dinder teń bolyp otyrǵanyn, birde bir din ózge dinder aldynda artyqshylyqqa ıe emes ekenin eske salyp ótti.
«Búgingi kúni dinı birlestiktermen birge eńseretin birqatar syn-qaterler tur. Birinshiden, sońǵy jyldary azamattar dinshildiginiń jyldam ósýi - dinı mádenıettiń durys qalyptasýynan jáne dinı dogmalardy synı qabyldaýdan ozyp ketti. Keıbir dinshil adamdar dinı qaǵıdalardy sózbe-sóz buljytpaı oryndap, zańdar men zaıyrly ǵıbrattarynan joǵary orynǵa qoıyp otyr. Bul otbasyndaǵy, sondaı-aq jalpy memlekettik kúrdeli syn-qaterlerdiń, shıelenisterdiń shyǵý kózi», - deıdi N.Ermekbaev.
Budan bólek ol elimizdiń dinı aýdıtorııasyna syrtqy teris yqpaldar kúsheıgenin sóz etti. Buǵan aqparattyq keńistiktiń ashyqtyǵy jáne jahandaný protsesteri yqpal etýde. Internet, áleýmettik jeliler men basqa da kommýnıkatsııalyq quraldar turǵyndar sanasyna jappaııdeologııalyq áser etýge múmkindik beredi.
