Nurlan Ermekbaev Atyraý oblysynda dinı radıkalızmniń aldyn alý jóninde semınar ótkizdi
Capar aıasynda dinı radıkalızm men ekstremızmniń aldyn-alý máseleleri boıynsha óńirlik semınar ótti.
Semınar jumysyna Atyraý oblysynyń ákimi Nurlan Noǵaev, quqyq qorǵaý organdarynyń ókilderi, batys óńirlerdiń Din isteri boıynsha basqarma basshylary, Atyraý, Aqtóbe, Mańǵystaý jáne Batys Qazaqstan oblystarynyń din máseleleri jónindegi zertteý ortalyqtarynyń dırektorlary jáne Qazaqstan musylmandar dinı basqarmasynyń ókilderi qatysty.
Din isteri jáne azamattyq qoǵam mınıstri dinı qatynastar máselesi erekshe kóńil bólýdi qajet etetinin atady: «Munda biz adamnyń dindarlyǵy dinı mádenıet qalyptastyrý qarqynynan ozyp ketý múmkindigin kórip otyrmyz. Bul radıkaldy ıdeologııany qabyldaý beıimdiliginiń artýyna yqpal etedi. Sondyqtan, dindarlyqtyń jedel ósýi potentsıaldy qaýip-qaterge ákeledi».
«Biz eldiń polıetnostyǵy men kópkonfessıonaldylyǵyn eskerýimiz qajet. Bul jaǵdaıda zaıyrlylyq qurylym memleket damýynyń jalǵyz ári durys joly bolyp sanalady. Zaıyrly memlekette dinge qatysyna qaramastan barshaǵa birdeı jaǵdaı jasalady», - dedi vedomstvo basshysy.
Mınıstr óz sózinde Qazaqstan Respýblıkasynyń din salasyndaǵy memlekettik saıasatynyń 2017-2020 jyldarǵa arnalǵan kontseptsııasynyń negizgi erejeleri týraly baıandady.
Mınıstr Kontseptsııa memlekettik-konfessııalyq qatynastardyń jańa formatyn usynatyndyǵyn atady. Bul saladaǵy memlekettik saıasattyń maqsaty zaıyrlylyq memleket pen destrýktıvti ıdeologııaǵa tózbeýshilik basymdyǵyna negizdelgen memleket pen din yqpaldastyǵynyń tıimdi qazaqstandyq modelin qalyptastyrý.
Sonymen qatar, semınar barysynda QR BǴM mektepke deıingi jáne orta bilim departamenti dırektorynyń orynbasary Z. Maqsutova, Atyraý oblystyq prokýrorynyń orynbasary S. Shalabaev, Atyraý oblystyq Din isteri jónindegi basqarma basshysy Q. Kóshqalıev, Batys Qazaqstan oblystyq Din isteri jónindegi basqarma basshysy S. Ǵızzatov, Aqtóbe oblystyq Din isteri jónindegi basqarma basshysy J. Qalmaǵanbet, Mańǵystaý oblystyq Din isteri jónindegi basqarma basshysy E. Esbergenov baıandama jasady.
Jumys sapary barysynda mınıstr N. Ermekbaev quqyq qorǵaý organdarynyń basshylarymen, aýdandyq jáne oblystyq ákimdik janyndaǵy antıterrorıstik komıssııa tóraǵalarymen, sondaı-aq, keıbir destrýktıvtik dinı aǵymdy ustanýshylarmen kezdesti.
Sapar qorytyndysynda mınıstr dinı radıkalızm men ekstremızmniń aldyn-alý boıynsha aqparattyq-túsindirý jumystarynyń mańyzdylyǵyn basa aıtty.
