Nurlan Ermekbaev: Arnaýly jıyndy jappaı jumyldyrýmen shatastyrmaý kerek
«Atap aıtqanda olar tamaqpen, zattaı, medıtsınalyq kómekpen qamtylady. Sondaı-aq áskerı mindettilerdiń arnaýly jıyn kezinde jumys orny, laýazymy saqtalady. Memleket esebinen jumys ornyndaǵy aılyǵy tólense, jumys istemeıtin azamattarǵa eń tómengi aılyq mólsheri (42 500 teńge) beriledi. Máselen arnaýly jıynǵa shaqyrylǵanǵa deıin áskerı qyzmetshiniń aılyǵy 200 myń teńge bolsa, jıynnyń ár aıynda ol osy somany alyp otyrady», - dedi Nurlan Ermekbaev OKQ-da ótken baspasóz máslıhatynda.
Qorǵanys mınıstri sondaı-aq arnaýly jıyndardy jumyldyrýmen (mobılızatsııa) shatastyrmaý kerektigin eskertti.
«Jumyldyrý – memlekettiń barlyq salasyn, halqyn, uıymdardy, áskerı qurylymdardy áskerı ýaqyt rejimine ótkizý degendi bildiredi. Qazir bul týraly aıtylyp otyrǵan joq. Arnaýly jıyndar árdaıym jylyna birneshe ret ótkiziledi. Aımaqtardaǵy ákimniń bárinde de osyndaı jıyn ótkizý tájirıbesi barshylyq. Ákimder densaýlyq jáne otbasylyq jaǵdaıyn eskere otyryp, qorǵanys isteri jónindegi bólimder men áskerı komıtetter arqyly azamattardy shaqyrady. Biz óz tarapymyzdan ózdigimen arnaýly jıynǵa kelgisi kelgenderge basymdyq berýge keńes beremiz. Tótenshe jaǵdaıdyń engizilýine baılanysty eldegi qıyndyqty eńserý úshin úles qosqysy keletin ótinimder molynan túsip jatyr. Jastarymyz patrıot. Jarlyq shyqqannan keıin keshe keshten beri arnaýly jıynǵa kelgisi keletin jastardan ótinim kóptep túsýde», - dedi ol.
Eske sala ketsek, keshe Qazaqstan Prezıdenti áskerı mindettilerdi arnaýly jıynǵa shaqyrý týraly Jarlyq shyǵarǵan edi.
Atap aıtqanda qazaqstandyqtar jekelegen óńirlerde medıtsınalyq qyzmet, tasqynmen kúres jáne dezınfektsııa jumystaryna shaqyrylady.
https://kaz.inform.kz/news/kazakstandyktar-zhekelegen-onirlerde-medicinalyk-kyzmet-taskynmen-kures-zhane-dezinfekciya-zhumystaryna-shakyrylady_a3633085
