Nurlan Boranbaev Almatyda qalalyq josparlaý jáne ýrbanıstıka basqarmasy basshysynyń mindetin ýaqytsha atqarady

ALMATY. QazAqparat- Almaty qalasy ákiminiń buıryǵymen sáýletshi – qalalyq josparlaý jáne ýrbanıstıka basqarmasy basshysynyń mindetin ýaqytsha atqarý laýazymyna Nurlan Boranbaev taǵaıyndaldy, dep habarlaıdy QazAqparat tilshisi.

Boranbaev Nurlan Aqabaıuly 1963 jyly 22 jeltoqsanda Aqtóbe qalasynda týǵan. Almaty sáýlet-qurylys ınstıtýtyn 1988 jyly bitirgen. Eńbek jolyn Aqtóbedegi «Aqtóbeazamatjoba» jobalyq uıymynda sáýletshi bolyp bastaǵan. Jeke kompanııalarda jáne memlekettik qyzmette jumys istedi.

«Qalanybezendirý», Aqtóbe qalasyndaǵy «Aqtóbegeodezııa» KMK-da basshylyq qyzmetter atqarǵan, sondaı-aq ákimniń keńesshisi, Aqtóbe qalasy sáýlet jáne qala qurylysy bóliminiń basshysy boldy.

Keıin «Aqtóbe oblysynyń sáýlet jáne qala qurylysy basqarmasy» MM-niń bastyǵy, «Aktıýbgrpjdpnproekttiń» bas sáýletshisi bolyp jumys istedi.

Osy laýazymǵa taǵaıyndalǵanǵa deıin ol «Almatybasjospar ǴZI» JShS-de derektermen jumys jónindegi dırektor qyzmetin atqarǵan.