Nurlan Baıjigituly adamnyń Qudaıǵa jaqyndyǵy qalaı baıqalatynyn aıtty
ASTANA. KAZINFORM — Adamnyń dinı ustanymy onyń minez-qulqynan jáne qoǵammen qarym-qatynasynan kórinýi kerek. Imam Nurlan Baıjigituly «BIZDIN ORTA» podkastynda ádep pen ımandylyqtyń baılanysy týraly aıtty.
Onyń aıtýynsha, musylman úshin ádep pen jaqsy minez mańyzdy qasıetterdiń biri.
— Qudaıǵa jaqyndaý ádeppen bolady. Hadısterde de ádep — musylmannyń tártibi, ol uly nársege ıe. Muny «hýsnýl-hýlq», ıaǵnı jaqsy minez deıdi. Birinshi ıman, senim turady, odan keıin jaqsy minez turady. Qulshylyq turmaıdy, namaz turmaıdy qazir bir nárse bolsa namaz oqımyn, oraz ustaımyn, meshitke júz ret bardym degen sııaqty sózderdi alǵa tartamyz ǵoı.onyi bári jaı nárse eger sizdiń minezińiz bolmasa, — dedi Nurlan Baıjigituly.
Imam adamnyń rýhanı deńgeıin onyń aınalasyndaǵy adamdarmen qarym-qatynasy arqyly da baǵalaýǵa bolatynyn atap ótti.
— Adam qudaıǵa jaqqan saıyn ortaǵa sińimdi bolady, elge jaǵymdy bolady, aǵaıynyna ótimdi bolady. Júregi názik, jumsaq bolady. Al adam qudaıynan uzaǵan saıyn qatal, qatigez, eshkimdi qabyldamaıtyn, tek «meniki» deıtin dara adamǵa aınalady. Biraq ol tulǵa emes, jalǵyz qalǵan dara adam bolady, — dedi ol.
Nurlan Baıjigituly bul ustanymdy qazaqtyń «kóppen kórgen — uly toı» degen sózimen baılanystyryp, adamnyń qoǵamnan bólinbeı, kópshilikpen úılesimdi ómir súrýi mańyzdy ekenin aıtty.
Eske salaıyq, buǵan deıin Nurlan Baıjigituly toıdaǵy dinı talaptardy qazaqtyń dástúri men bolmysynan bólek qaraýǵa bolmaıtynyn aıtty.
