Nurlan Baıbazarov Premer-Mınıstrdiń orynbasary ári Ulttyq ekonomıka mınıstri boldy

ASTANA. KAZINFORM — Memleket basshysynyń Jarlyǵymen Nurlan Serikuly Baıbazarov Qazaqstan Respýblıkasy Premer-Mınıstriniń orynbasary — Ulttyq ekonomıka mınıstri laýazymyna taǵaıyndaldy. 

Nurlan Baıbazarov 1975 jylǵy 10 qazanda týǵan. 

Qazaq memlekettik basqarý akademııasyn bitirgen. 

23 jyldyq jumys ótili bar, onyń 7 jyly — «Qazaqstannyń Damý Banki» AQ-da basshylyq laýazymdarda.

1997-2003 jyldary QR Qarjy mınıstrliginde jumys istedi.

2004 jyldan 2011 jylǵa deıin jobalarǵa agenttik qyzmet kórsetý basqarmasynyń bastyǵy, ınvestıtsııalyq jobalar jónindegi basqarýshy dırektor, korporatıvtik damý departamentiniń dırektory, «Qazaqstannyń Damý Banki» AQ korporatıvtik hatshysy laýazymdaryn atqardy.

2013 jyldan 2016 jylǵa deıin QR Ulttyq ekonomıka mınıstrliginiń ekonomıka salalaryn damytý departamentin basqardy.

Budan basqa, ár jyldary «Qazaqstan temir joly» UK» AQ, «QazMunaıGaz Konsaltıng» AQ, «QazMunaıGaz» UK» AQ jumys istedi.

2016 jyldan bastap 2022 jylǵy qarashaǵa deıin «Ónerkásipti damytý qory» AQ dırektorlar keńesiniń múshesi jáne basqarma tóraǵasy boldy.

2022 jyldyń qarasha aıynan 2023 jyldyń qazan aıyna deıin «Qazaqstannyń Damý Banki» AQ basqarma tóraǵasy boldy.

«Báıterek» ulttyq basqarýshy holdıngi» AQ jalǵyz aktsıoneriniń 2023 jylǵy 05 qazandaǵy sheshimimen holdıngtiń basqarma tóraǵasy qyzmetine taǵaıyndaldy.

2023 jylǵy 11 qazanda «Báıterek» ulttyq basqarýshy holdıngi» AQ dırektorlar keńesiniń múshesi bolyp saılandy.

«Eren eńbegi úshin» medalimen marapattalǵan.