Nurlan Baıbazarov qandaı jaǵdaı valıýta naryǵyn turaqtandyratynyn aıtty

ASTANA. KAZINFORM – Úkimet baǵdarlamalaryn iske asyrýdan ekonomıkaǵa shetel valıýtasynyń túsýi valıýta naryǵyn turaqtandyrýǵa áser etedi. Bul týraly Úkimette ótip jatqan brıfıngte Premer-Mınıstrdiń orynbasary – Ulttyq ekonomıka mınıstri Nurlan Baıbazarov aıtty.

— Fermerlerdi qoldaý jalǵasady. Kelesi jylǵa kóktemgi dala jumystaryn qarjylandyrý 700 mlrd teńgege deıin ulǵaıtyldy. Búgingi tańda fermerlerden ótinimder qabyldanyp jatyr.  Jalpy, bizdiń ekonomıkamyzǵa sheteldik kapıtaldy tartý boıynsha jumys kúsheıtildi, — dedi Nurlan Baıbazarov. 

Vıtse-mınıstrdiń aıtýynsha, bıznes úshin jaǵdaıdy jaqsartý jáne ekonomıkany yryqtandyrý boıynsha júıeli jumys jalǵasady.

— Biz Úkimet baǵdarlamalaryn iske asyrýdan ekonomıkaǵa shetel valıýtasynyń túsýi valıýta naryǵyn turaqtandyrýǵa áser etedi jáne ekonomıkanyń odan ári ósýine yqpal etedi dep senemiz — dedi ol.