Nurlan Aımanov: Vaktsınatsııa pasportyn satyp alǵandar – reanımatsııaǵa bılet alǵandar

PETROPAVL. QazAqparat – Soltústik Qazaqstan oblysynda 158 myńǵa jýyq adam vaktsınatsııanyń tolyq kýrsynan ótti, bul barlyq ekpe alýy tıis halyqtyń 50,7 %-y, dep habarlaıdy QazAqparat tilshisi.

SQO densaýlyq saqtaý basqarmasy basshysynyń orynbasary Nurlan Aımanovtyń aıtýynsha, óńirde vaktsınatsııa pasportyn satý deregi tirkelmegen.

«Bul másele bizdiń quzyrymyzǵa jatpaıdy. Onymen quqyq qorǵaý organdary aınalysady. Desek te oblysta vaktsınatsııa pasportyn satý deregi tirkelgen joq. Biz de óz tarapymyzdan qatań baqylaýǵa aldyq. Anyqtalǵan jaǵdaıda qatań jazalap, jumystan shyǵarýǵa deıin baramyz.

Satýshy jaq bar da, satyp alýshy jaq bar. Vaktsınatsııa pasportyn satyp alǵandarǵa aıtarym, sizder jansaqtaý bólimshesine bılet aldyńyzdar», - deıdi Nurlan Aımanov.

SQO sanıtarııalyq-epıdemıologııalyq baqylaý departamentiniń málimetinshe, óńirde 200 749 adam vaktsınanyń birinshi komponentimen egilgen, tolyq vaktsınatsııa kýrsynan 157 803 adam ótti.

«SQO-da vaktsına alǵandardyń 695-i koronavırýs juqtyrdy. Olardyń 359-y preparattyń birinshi komponentin alsa, aýyrǵandardyń 336-sy tolyq ekpe alǵandar», - deıdi SQO sanıtarııalyq-epıdemıologııalyq baqylaý departamentiniń ınfektsııalyq jáne parazıttik aýrýlardy epıdemıologııalyq baqylaý bóliminiń basshysy Merýert Atambaeva.

Buǵan deıinóńirde koronavırýspen aýyrǵandardyń 4,5 ese óskenin aıtqan edik.