Nurlan Áýesbaevtyń úgit-nasıhat jumysynyń barysy tanystyryldy

ASTANA. QazAqparat – QR prezıdenttigine kandıdat Nurlan Áýesbaevtyń saılaýaldy shtabynyń jumysy tanystyryldy, dep habarlaıdy QazAqparat tilshisi.

Prezıdenttikke úmitker Nurlan Áýesbaevtyń senimdi ókili Talǵat Omarov «Atameken Business» telearnasyna suhbat berdi.

Kandıdat Nurlan Áýesbaev úgit-nasıhat jumysymen Qaraǵandy, Aqtóbe jáne Aqmola oblystarynda, Almaty men Shymkent qalalarynda boldy.

Úmitkerdiń saılaýaldy baǵdarlamasyn nasıhattaý, halyqqa túsindirý maqsatynda respýblıka boıynsha 21 shtab jumys istep tur.

Sondaı-aq kandıdattyń senimdi ókili úgit-nasıhat kezinde áleýmettik jelilerdi belsendi qoldanyp jatqanyn tilge tıek etti.

Talǵat Omarovtyń aıtýynsha, halyq tarapynan túrli sala boıynsha suraqtar túsip jatyr.

Eske sala ketsek, 20 qarashada ótetin kezekten tys prezıdent saılaýyna kandıdat Nurlan Áýesbaev «Jalpyulttyq sotsıal-demokratııalyq partııasy» respýblıkalyq qoǵamdyq birlestigi atynan túsip jatyr.