Nurlan Áýesbaev Shortandy kentinde saılaýshylarmen kezdesti

AQMOLA OBLYSY. QazAqparat – Jalpyulttyq sotsıal-demokratııalyq partııasy (JSDP) atynan prezıdenttikke kandıdat Nurlan Áýesbaev Aqmola oblysy Shortandy kentinde saılaýshylarmen kezdesti. Bul týraly JSDP áleýmettik jelidegi paraqshasynda jazdy, dep habarlaıdy QazAqparat.

Іs-shara barysynda jınalǵan qaýymǵa óziniń saılaýaldy baǵdarlamasynyń basym baǵyttary jóninde baıandap berdi.

Buǵan deıin Nurlan Áýesbaev Astanada kezdesý ótkizgenin jazǵan bolatynbyz. Sondaı-aq «Jalpyulttyq sotsıal-demokratııalyq partııasy» respýblıkalyq qoǵamdyq birlestiginen prezıdenttikke kandıdat úgit-nasıhat jumystarymen Qaraǵandy, Aqtóbe, Aqmola, Batys Qazaqstan, Mańǵystaý oblystarynda, Shymkent, Almaty, Astana qalalarynda kezdesýler ótkizgenin habarlaǵan edik.

Jalpy úmitkerdiń saılaýaldy baǵdarlamasyn nasıhattaý, halyqqa túsindirý maqsatynda respýblıka boıynsha 21 shtab jumys istep tur.

Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al 20 qarashada prezıdent saılaýy ótedi.