Nurlan Áýesbaev: Saılaýaldy baǵdarlamamyz daıyndalyp jatyr

ASTANA. QazAqparat – Jalpyulttyq sotsıal-demokratııalyq partııasynan (JSDP) prezıdenttikke kandıdat Nurlan Áýesbaev saılaýaldy baǵdarlamasynyń taıaý arada daıyn bolatynyn aıtty, dep habarlaıdy QazAqparat tilshisi.

«Eń damyǵan, mysaly Eýropanyń Danııa, Fınlıandııa, Germanııa, Ulybrıtanııa, Frantsııa, Nıderland elderi sotsıal-demokratııalyq ıdeologııanyń prıntsıpterimen jumys istep jatyr. Biz de sol baǵytty ustanamyz», - dedi Nurlan Áýesbaev búgin Ortalyq saılaý komıssııasyna prezıdenttikke kandıdat retinde tirkelý úshin qujattaryn tapsyrǵannan keıin.

Sonymen qatar ol BAQ ókilderine bergen suhbaty barysynda JSDP-nyń 19-sezinde ózin partııalastary 5 kandıdattyń ishinen aldaǵy kezekten tys prezıdent saılaýyna úmitker retinde tańdap alǵanyn aıtty.

«Soǵan oraı jumysshy toby quryldy. Sol top bizdiń saılaýaldy baǵdarlamamyzdy daıyndap jatyr. Aıaqtalýǵa jaqyn. Daıyn bolǵanda ózderińizge tanystyramyz», - dedi ol.

Aıta keteıik, búgin Jalpyulttyq sotsıal-demokratııalyq partııasynan prezıdenttikke kandıdat Nurlan Áýesbaev Ortalyq saılaý komıssııasyna qujattaryn ótkizgen edi.