Nurlan Áýesbaev OSK-ǵa debat ótkizý jóninde talap qoıdy

ALMATY. QazAqparat – Jalpyhalyqtyq sotsıal-demokratııalyq partııa atynan QR prezıdenttigine úmitker Nurlan Áýesbaev Ortalyq saılaý komıssııasynan kelesi aptada halyqtyq koalıtsııa ókilimen respýblıkalyq deńgeıde debat ótkizýdi talap etti. Bul týraly kandıdat óziniń áleýmettik jelidegi paraqshasynda jarııalady, dep habarlaıdy QazAqparat.

Jaqynda Nurlan Áýesbaevty «Aýyl» partııasynan prezıdenttikke úmitker ashyq debatqa shaqyrǵan bolatyn.

Osyǵan jaýap retinde beıneúndeý jarııalaǵan oppozıtsııa kandıdaty Ortalyq saılaý komıssııasynan kelesi aptada halyqtyq koalıtsııa ókilimen respýblıkalyq deńgeıde debat ótkizýdi talap etti.

Aıta keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady.

19 qarasha – respýblıka boıynsha tynyshtyq kúni. Al, 20 qarashada prezıdent saılaýy ótedi.