Nurlan Áýesbaev Oralda saılaýshylarmen kezdesý ótkizdi

ORAL. QazAqparat - Búgin Jalpyulttyq sotsıal-demokratııalyq partııasy (JSDP) atynan prezıdenttikke kandıdat Nurlan Áýesbaev Oraldaǵy Gagarın atyndaǵy kınoteatrda saılaýshylarmen kezdesý ótkizdi. Bul týraly JSDP áleýmettik jelidegi paraqshasynda jazdy, dep habarlaıdy QazAqparat.

Іs-shara barysynda kandıdat jınalǵan qaýymǵa óziniń saılaýaldy baǵdarlamasynyń basym baǵyttary jóninde baıandap berdi.

Keshe Nurlan Áýesbaev Oral qalasynda ornalasqan Batys Qazaqstan oblystyq saılaýaldy shtabyna barǵanyn jazǵan bolatynbyz. Buǵan deıin «Jalpyulttyq sotsıal-demokratııalyq partııasy» respýblıkalyq qoǵamdyq birlestiginen prezıdenttikke kandıdat úgit-nasıhat jumystarymen Aqtóbe, Aqmola oblystarynda, Shymkent, Almaty, Astana qalalarynda kezdesýler ótkizgenin habarlaǵan edik.

Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al 20 qarashada prezıdent saılaýy ótedi.