Nurlan Áýesbaev qalalardaǵy qurylysqa qatysty pikir bildirdi

ASTANA. QazAqparat – Prezıdent saılaýyna Jalpyulttyq sotsıal-demokratııalyq partııasy atynan úmitker Nurlan Áýesbaev respýblıkalyq saılaýaldy shtabynyń uıymdastyrýymen tyǵyz ornalasqan qurylysqa qarsy beıbit mıtıngige qatysty, dep habarlaıdy QazAqparat tilshisi.

Іs-shara Astana qalasyndaǵy Pýshkın kóshesi men Sh. Qudaıberdiuly dańǵyly qıylysynda ornalasqan saıabaq aýmaǵynda ótti.

Aktsııa barysynda sóz sóılegen kandıdat shaharlarda qurylys nysandaryn bir-birine tym jaqyn jáne tyǵyz salý máselesi tek elorda jáne Almaty qalasymen shektelmeıtindigin atap ótti. Qazirgi kezde bul – Qazaqstannyń barlyq derlik qalalaryna tanys jaǵdaı. N. Áýesbaevtyń pikirinshe, tyǵyz ornalasqan qurylys nysandary qalada qolaısyz ortany qalyptastyrady.

Mıtıngige 50-ge jýyq adam, onyń ishinde elordadaǵy tyǵyz qurylysqa qarsy belsendiler qatysty.

Buǵan deıin QR prezıdenttigine úmitker Nurlan Áýesbaevtyń Almatydaǵy saılaýshylarmen kezdeskeni habarlanǵan bolatyn.

Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al, 20 qarashada Prezıdent saılaýy ótedi.