Nurlan Aldamjarov Sý resýrstary jáne ırrıgatsııa vıtse-mınıstri bolyp taǵaıyndaldy

Úkimet qaýlysymen Nurlan Aldamjarov Sý resýrstary jáne ırrıgatsııa vıtse-mınıstri bolyp taǵaıyndaldy, dep habarlaıdy Kazinform. 

«Qazaqstan Respýblıkasy Úkimetiniń qaýlysymen Nurlan Januzaquly Aldamjarov sý resýrstary jáne ırrıgatsııa vıtse-mınıstri bolyp taǵaıyndaldy», - dep jazylǵan Úkimettiń baspasóz qyzmeti taratqan aqparatta.

Nurlan Aldamjarov 1975 jyly dúnıege kelgen.

Tashkent ınjenerlik ırrıgatsııa jáne mehanızatsııa aýyl sharýashylyǵy ınstıtýtyn bitirgen.

Eńbek jolyn 1999 jyly «Tashoblmelıovodstroı» trestiniń №5 mehanıkalandyrylǵan óndiristik kolonnasynyń 4 razrıadty montajnıgi, sheberi bolyp bastaǵan.

2002-2008 jyldary Tashkent jáne Shymkenttiń kommýnaldyq kásiporyndarynda túrli qyzmetterde jumys istedi.

2008-2012 jyldary – Ońtústik Qazaqstan oblysynyń Tabıǵı resýrstar jáne tabıǵatty paıdalanýdy retteý basqarmasy Sý resýrstaryn retteý jáne qorǵaý bóliminiń jetekshi mamanynyń m.a., jetekshi mamany, bas mamany.

2012-2014 jyldary – Ońtústik Qazaqstan oblysynyń Energetıka jáne turǵyn úı-kommýnaldyq sharýashylyq basqarmasy Aýyz sýmen qamtamasyz etý bóliminiń bas mamany, basshysy, basqarma basshynyń orynbasary.

2015 jyly OQO-nyń TKSh jáne jolaýshylar kóligi basqarmasynyń basshysy bolyp taǵaıyndaldy.

2015-2016 jyldary – «Nur Otan» partııasynyń ortalyq apparatynyń uıymdastyrý-baqylaý jumysy departamentiniń dırektory, partııalyq baqylaý qyzmetiniń basshysy.

2016 jyly QR AShM Sý resýrstary komıteti «Qazsýshar» RMK-nyń gıdrotehnıkalyq qurylys bóliminiń jetekshi mamany boldy.

2016-2018 jyldary – QR AShM Sý resýrstary komıteti tóraǵasynyń orynbasary.

2018-2020 jyldary – Jambyl oblysy ákimdiginiń Energetıka jáne TKSh basqarmasynyń basshysy.

2020-2023 jyldary – QR Ekologııa, geologııa jáne tabıǵı resýrstar mınıstrligi Sý resýrstary komıtetiniń tóraǵasy.