Nurlan Ábdirov túrkistandyq jastarmen kezdesti
Ortsaılaýkom Tóraǵasy Nurlan Ábdirovtiń Túrkistan oblysyna jumys sapary aıasynda óńirdegi saıası partııalardyń, ÚEU, BAQ ókilderimen, qoǵamdyq pikir kóshbasshylarymen, blogerlermen, saılaý komıssııalarynyń múshelerimen úlken kezdesýi ótti.
Kezdesýde saılaý júıesin jáne saılaý zańnamasyn jetildirý boıynsha saılaýdy uıymdastyrýshylar men jergilikti jurtshylyq ókilderiniń kóptegen saýaldary men usynystary talqylandy.
Kezdesýge qatysýshylar aýdan ákimderiniń tikeleı saılaýyn ótkizýge qoldaý bildirdi, saılaý protsesine qatysýshylardyń saılaý zańnamasynyń normalaryn buzǵany úshin jaýapkershilik sharalaryn kúsheıtýdi, azamattardyń, onyń ishinde múgedektigi bar azamattardyń saılaý quqyqtaryn saqtaý kepildigin qamtamasyz etýdi usyndy.
Budan basqa, majorıtarlyq jáne aralas saılaý júıelerin engizý, sondaı-aq Májilis pen máslıhattar depýtattyǵyna saılanatyndardyń sanyn shekteý jóninde pikirtalastar boldy.
Kezdesýge qatysýshylar sondaı-aq Prezıdenttikke kandıdattarǵa qatysty zańnama talaptaryna qatysty óz ustanymdaryn bildirdi. ıAǵnı, olar kandıdattardyń el aýmaǵynda turaqty turýy jáne memlekettik qyzmette nemese saılanbaly laýazymdarda jumys tájirıbesiniń bolýy qajettigin alǵa tartty.
Sondaı-aq olar ótelmegen sottalǵandyǵy bar adamdardyń kandıdattaryn saılanbaly laýazymdarǵa usynýǵa jáne Májilis pen máslıhattar depýtattarynyń bir partııadan ekinshisine aýysýyna jol berilmeıdi dep sanaıtyndaryn atap ótti.
Kezdesý qorytyndysy boıynsha azamattyq qoǵam ókilderi Ortsaılaýkom basshylyǵyna osy ótkizilip otyrǵan kezdesý úshin rızashylyqtaryn bildirip, Memleket basshysynyń Jańa Qazaqstandy qurý jónindegi bastamalaryn qoldaıtynyn jáne bul is-shara osy baǵyttaǵy alǵashqy qadamdardyń biri bolyp tabylatynyn atap ótti.
Nurlan Ábdirov óz kezeginde is-sharaǵa qatysýshylarǵa alǵysyn bildirip, Ortsaılaýkom ózara is-qımyl jasaýǵa ashyq ekenin jáne jurtshylyqtyń saılaý protsesin jetildirýge baǵyttalǵan barlyq usynystaryn qaraýǵa daıyn ekenin atap ótti.
Osy kúni Ortsaılaýkom Tóraǵasy óńir jastarymen kezdesti. Kezdesý barysynda jastar ókilderi birqatar usynystardy alǵa tartty, olardyń ishinde partııasyz azamattardy Májilis pen máslıhattar depýtattyǵyna usyný quqyǵy, ulttyq baıqaýshylardyń mártebesin arttyrý, olardy saılaýaralyq kezeńde oqytý, saılanbaly laýazymdar úshin jas shamasyn belgileý, jastardyń elektorattyq mádenıetin arttyrý máseleleri kóterildi.
Sondaı-aq, elektrondyq daýys berýdi engizý máseleleri boıynsha jan-jaqty pikir almasty. Jekelegen qatysýshylardyń pikirinshe, tsıfrlyq tehnologııalardy engizý, elektrondyq daýys berý aqparattyq qaýipsizdikti saqtaý, sondaı-aq saılaý protsesiniń ashyqtyǵy men aıqyndyǵyn qamtamasyz etý úshin táýekelderge ákelip soqtyrady.
Kezdesý qorytyndysy boıynsha OSK tóraǵasy Túrkistan oblysynyń jastaryna ashyq, mazmundy jáne qyzyqty dıalog úshin alǵysyn bildirdi jáne basty maqsat – jas saılaýshylardyń saılaý protsesine qatysýyn jáne olardyń qyzyǵýshylyǵyn qamtamasyz etý ekenin atap ótti.
Nurlan Ábdirovtiń Túrkistan oblysyna jumys sapary aıasynda ú.j. 1 naýryzda Saıram aýdanynyń turǵyndarymen jáne Qutarys aýyldyq okrýgi boıynsha saılanǵan ákimmen kezdesýi úshin saparǵa shyǵýy josparlanǵan.
